Rojnameger, nivîskar û rexnegir Evrîm Alataş 11 sal beriya niha îro jiyana xwe ji dest da. Di sala 1994'an de dest bi rojnamegeriyê kir. Di rojnameyên wekî Yenî Polîtîka, Demokrasî, Ozgur Bakiş, Ulkede Ozgur Gundemê wekî nûçegihan xebitî. Pişt re wekî edîtor peywira xwe domand. Her wiha ji rojnameyên Evrensel, BirGun û Ozgur Polîtîkayê de nîvîs nivîsand. Di kovarên wekî Esmer, Bîrîkîm, Amargi, Reş û Tirojê de nivîs nivîsand. 

 

1923: Keiko Fukuda îro hat dinê. Keiko, di nava jinan de cara yekem perwerdeya judoyê dît. Di sala 1953'yan de li cîhanê di beşa xwe de jina herî serkeftî bû. Di sala 1966'an de berê xwe da Amerîkayê û li vir mamostetiya judoyê kir. Keiko di sala 2013’yan de jiyana xwe ji dest da. Keiko di beşa xwe de gelek xelat girt. 

 

1927: Ji bo bikaranîna deng dayîna jinan lihevkirinek di Kabîneya Îngilistanê de pêk hat. Piştî lihevkirinê di sala 1928'an de hemû jin mafê bijartin û hilbijartinê bi dest xist. 

 

2007: Jinan li ber Balyozxaneya Sûdanê ya Enqerê kom bûn û li dijî recmkirina Sadia İdriss Fadul (22)  û Amouna Abdallah Daldoum (23) çalakî li dar xistin. 

 

2008: Kujerê hunermenda Îtalî Pîppa Bacca hat girtin. Li dijî şer ji Îtalyayê bi rêket û bi otostopê welat welat digeriya. Ji bo biçe Filîstînê hat Tirkiyeyê û di 31'ê adarê de li Tirkiyeyê winda bû. Piştî îtîrafa kujer cenazeyê Pippa li daristana gundê Tavşanli ya Gebzeya Kocaeliyê hat dîtin.