ERZIROM - Parlamentera DEM Partiyê Meral Daniş Beştaş a li Girtîgeha Dumla bi girtiyan re hevdîtin pêk anî, diyar kir ku gelek binpêkirinên mafan pêk tên û girtî di bin tecrîdê de ne.

 

Parlamentera DEM Partiyê Meral Daniş Beştaş a ku çû Girtîgeha Dumluyê, bal kişand ser pirsgirêkên tenduristiyê yên girtiyên nexweş û binpêkirinên li ser girtiyan rêz kir.

 

Parlamentera Partiya Wekhevî û Demokrasiyê ya Gelan (DEM Partî) ya Erziromê Meral Daniş Beştaş, girtiyên li Girtîgeha Girtî ya 1 û 2 ya Dumlu ya Erziromê dimînin, ku di demên dawî de bi binpêkirina mafan re di rojevê de ne, ziyaret kir. Meral piştî hevdîtina bi girtiyan re li ber girtîgehê daxuyanî da.

 

Bi 7 girtiyan re hevdîtin kir

 

Meral diyar kir ku wê bi 7 girtiyan re hevdîtin pêk aniye û got, “Ev girtîgeh ji girtîgehên tîpa S ne cudatir e. Yek ji girtîgehên ku herî zêde binpêkirinên mafan lê tên kirin e. Me careke din dît ku tecrîd li her derê heye. Tecrîd ne tenê li Girtîgeha Girava Îmraliyê ye, gav bi gav li hemû girtîgehan belav dibe."

 

'Rojê yek an du saetan cihê girtina hewayê tê vekirin'

 

Meralê diyar kir ku li girtîgehê rojê yek an du saetan cihê girtina hewayê vekirî ye û wiha got: "Tevî ku girtî divê di tevahiya rojê de ji mafên hewayê sûd werbigirin, ew dikarin tenê rojê 2 saetan ji hewayê sûd werbigirin."

 

Rewşa girtiyên nexweş

 

Meral, anî ziman ku tecrîda li girtîgehê girantir bûye û wiha got: “Hevserokê me yê berê yê BDP'ê yê Şirnexê Halîl Îrmez 1 sal û 9 meh in bi tena serê xwe ma û ji hewayê sûd wernegirt. Em ê serlêdanên pêwîst li Wezareta Dadê bikin. Ev rewş bi temamî nayê qebûlkirin. Girtiyên ku cezayên giran li wan hatiye birîn, mîna birêz Ocalan û girtiyên din ên li Îmraliyê di şert û mercên giran de tên ragirtin. Di nav wan de girtiyên nexweş ên giran jî hene. Îmdat Bîngol 28 sal in girtî ye, nexweşiya KOAH û gurçikan heye. Dîsa Naci Ozer nexweşê epîlepsiyê ye û Mahmut Okay jî felc e. Em ê teqez vê rewşê bînin ziman."