NAVENDA NÛÇEYAN - Rêxistina Çep a Destwerdanê ya Almanyayê piştgirî da kampanya KJAR'ê ya li dijî darvekirinên li Îranê.

 

Rêxistina Çep a Destwerdanê ya Almanyayê bi daxuyaniyekê piştgirî da kampanya Komeleya Jinên Azad ên Rojhilatê Kurdistanê (KJAR) a li dijî darvekirinên li Îranê.

 

Di peyamê de hate gotin: "Bi navê Çep a Destwerdanê em cezayê îdamê bi tundî şermezar dikin ku rejîma Îranê ya dijminê jinê li rojnamevan Pexşan Ezîzî û Şerîfe Mihmedî birî ye. Em dixwazin, cezayê mirinê bê betalkirin.

 

Em li vê derê piştgiriyê didin şoreşa femînîst a li Îranê û Rojhilat.

 

Em dibêjin, na ji darvekirinê re!

 

Erê ji jiyana azad re!

 

Jin, Jiyan, Azadî!"