NAVENDA NÛÇEYAN - Dewleta tirk bombeyan li gundên Şehba û Efrînê dibarîne.

 

Êrişên Tirkiyeyê yên li li dijî Rojava dewam dikin. Dewleta tirk tevî komên xwe bombeyan li derdora navçeya Til Rifet, gundê Şewarxa û Şealê dibarîne.

 

Artêşa Tirk û komên wê doh bi şev bi çekên giran derdora Til Rifet a Şehbayê û gundê Şewarxa yê navçeya Şera ya Efrînê topbaran kirin.

 

Her wiha gundê Şealê yê kantona Şehbayê jî topbaran dikin.

 

Kobanê hat topbarankirin

 

Li Kobanê erebeyek hate hedefgirtin û gundek hat topbarankirin. Hemwextî topbarankirina gundê Ehmed Munîr balafireke bêmirov û biçek a dewleta tirk li rojavayê Kobanê erebeyek bombebaran kir.

 

Nûçegihana ANHA'yê li herêmê ragihand ku balafireke bêmirov û biçek a dewleta tirk li rojavayê Kobanê erebeyek bombebaran kir.

 

Lê agahiyên dîtir der barê êrişê de nehatin bidestxistin.

 

Li aliyekî din dewleta tirk bi tankan gundê Ehmed Munîr ê rojavayê Kobanê topbaran kir.