
Êrişên Tirkiyeyê yên li dijî Rojava dewam dikin 

2023-10-20 11:27:03


	&nbsp;

	&nbsp;

	NAVENDA NÛÇEYAN - Dewleta tirk bombeyan li gundên Şehba û Efrînê dibarîne.

	&nbsp;

	Êrişên Tirkiyeyê yên li li dijî Rojava dewam dikin. Dewleta tirk tevî komên xwe bombeyan li derdora navçeya Til Rifet, gundê Şewarxa û Şealê dibarîne.

	&nbsp;

	Artêşa Tirk û komên wê doh bi şev bi çekên giran derdora Til Rifet a Şehbayê û gundê Şewarxa yê navçeya Şera ya Efrînê topbaran kirin.

	&nbsp;

	Her wiha gundê Şealê yê kantona Şehbayê jî topbaran dikin.

	&nbsp;

	Kobanê hat topbarankirin

	&nbsp;

	Li Kobanê erebeyek hate hedefgirtin û gundek hat topbarankirin. Hemwextî topbarankirina gundê Ehmed Munîr balafireke bêmirov û biçek a dewleta tirk li rojavayê Kobanê erebeyek bombebaran kir.

	&nbsp;

	Nûçegihana ANHA'yê li herêmê ragihand ku balafireke bêmirov û biçek a dewleta tirk li rojavayê Kobanê erebeyek bombebaran kir.

	&nbsp;

	Lê agahiyên dîtir der barê êrişê de nehatin bidestxistin.

	&nbsp;

	Li aliyekî din dewleta tirk bi tankan gundê Ehmed Munîr ê rojavayê Kobanê topbaran kir.

	&nbsp;