NAVENDA NÛÇEYAN - Bi pêşengiya ked û xebata jinan ji aliyê Weşanxaneya Na'yê ve pirtûka bi navê 'Antolojiya Êşên Jinan' hat weşandin. Di pirtûkê de 20 çîrokên kurdî yên ji aliyê 20 jinan ve hatine nivîsandin cih digirin. 

 

Di çarçoveya projeyekê de 20 jinan bi pêşengiya nivîskar Yasemîn Elban 20 çîrok nivîsandin. Jinan çîrokên xwe bi navê “20 Jin 20 Çîrok - Antolojiya Êşên Jinan” weke pirtûk ji Weşanxanxaya Na’yê çap kirin. Her jinekê bi çîrokekê hem êşa xwe hem jî hestên xwe vegotine. 

 

‘Di çîrokan de lehengê êş kişandî hertim jin e’

 

Li ser berga pirtûkê ev tişt hatiye nivîsandin: “Her jinekê çîrokeke xwe heye; tu li serborî û jiyana kîjan jinê binêrî, bêguman wê tê de êş xuya bike. Di çîrokan de lehengê êş kişandî hertim jin e. Jin stûna çîrokê ye, stûna çîroka jiyanê. Loma jinên nivîskar bi van berheman vê stûnê zexmtir kirine û jiyan xweşiktir.”

 

Bi zaravayên cuda yên kurdî çîrok hatin nivîsandin

 

Ji çîrokan yek bi soranî yek jî bi kirmanckî  û 18 jê jî bi kurmancî ne.

  

Jinên ku bi çîrokên xwe beşdarî vê projeyê bûne, navên wan û navên çîrokên wan wiha ne:

 

Gullan- Leyla Qadirî 

 

Gola Meyandî - Leyla Mexso Berazî 

 

Nameya Kuştinê - Narîn Omer Seyfedîn  

 

Dora Desmalê - Mîdiye Berekat 

 

Bextan Reş Nekin - Hind Ebdelo  

 

Kevirê Heneyê – Yasemîn Elban 

 

Gundê Dînan – Kurdiye Irgat 

 

Jana Perperokê - Nesrîn Rojkan  

 

Egît - Umît Fatma Firat 

 

Qolinc - Nerîman Yagiz 

 

Bêxîreto! - Gula Almastê 

 

Mirîstan - Gulgeş Deryaspi 

 

Aqilê Wê Jê Nebirî - Evîn Hesen   

 

Ji Vî Welatî Dernakevim  - Vejîna Kurd 

 

Vanêlya - Merwa Birîm 

 

Nikulê Beytikê - Berfîn Dîcle 

 

Qêrîniya Bêdeng – Sewda 

 

Perîqa Qaqlîbazê - Laleşa Ûsiv 

 

Ez, Baran û Pira As - Amîne Pîrozxan

 

Bextê Reş - Sultan Yaray