AMED - Dê îşev bi pêşengiya PENa Kurd, Komeleya Wêjekarên Kurd, Tora Ziman û Çanda Kurdî, MED-DER'ê bi beşdariya gelek jinên nivîskar, helbestkar û rojnameger bernameya 15'ê Gulanê Roja Cejna Zimanê Kurdî li ser zoomê bê lidarxistin. 

 

Bi pêşengiya PENa Kurd, Komeleya Wêjekarên Kurd, Tora Ziman û Çanda Kurdî, Komeleya Lêkolînê ya Ziman û Çandên Mezopotamyayê (MED-DER), dê bi munasebeta 15'ê Gulanê Roja Cejna Zimanê Kurdî îşev li gor saeta Amedê saet di 21.00'an de li zoomê bername bê lidarxistin. Jinên nivîskar, helbestkar, rojnameger dê li ser zimanê kurdî, rol û mîsyona jinê ya di qada zimanê kurdî de nêrînên xwe bînin ziman. Dê bername bi moderatortiya nivîskar û rojnameger Roza Metîna 2 saetan bidome.