15'ê Nîsana 2019'an: Du Leylayan dest dan hevdu

  • 10:31 15 Nîsan 2021
  • Di Dîrokê De Îro
Ji sembola serhildana Fîlîstînê endama Politbüro ya Eniya Rizgariya Gel a Fîlîstînê (FHKC) Leyla Xalid, di 15'ê Nîsana 2019'an de çû serdana Hevseroka Kongreya Civaka Demokratîk (KCD) Leyla Guven a li dijî tecrîda li ser Rêberê PKK'ê Abdullah Ocalan ketibû greva birçîbûnê. 
 
Hinek geşedanên din ên dîrokê de qewimîne wiha ne:
 
1976: Rojnameger Evrîm Alataş li Gundê Meletê ji dayik bû. Evrîmê bi çapemeniya azad dest bi rojnamegeriyê kir. Li rojnameyên Yenî Polîtîka, Demokrasî, Nêrîna Azad, Li Welat Ozgur Gundem nûçegîhantî û edîtortî kir. Li Kovarên Esmer, Birikim, Amargî, Siyahî û Tîroj gotar nivîsnd. 
 
2005 : Jinên femînîst ên Enqereyê diyar kirin ku ew ê di 1'ê Gulanê de li dijî kapîtalîzm û sîstema baviksalarî û li dijî cihêkariya zayendê ji bo gotina xwe bikin dê li qadan bin. Jinan banga beşdariya 1'ê Gulanê kirin.  
 
2019: Rêxistina Partiya Demokratîk a Gelan (HDP) a Mêrsînê bi daxwaza rakirina tecrîda li ser Rêberê PKK'ê Abdullah Ocalan dest bi çalakiya 3 rojî ya bi dem û dorveger dest pê kir. 
 
2019:Li Amed û Îzmîrê xizmên girtiyan têkildarî grevên birçîbûnê yên li girtîgehan ji Wezareta Dadê û ji Serokkomariyê faqs û name şandin. 
 
 2019: Ji sembola serhildana Fîlîstînê endama Politbüro ya Eniya Rizgariya Gel a Fîlîstînê (FHKC) Leyla Xalid, di 15'ê Nîsana 2019'an de çû serdana Hevseroka Kongreya Civaka Demokratîk (KCD) Leyla Guven a li dijî tecrîda li ser Rêberê PKK'ê Abdullah Ocalan ketibû greva birçîbûnê. 
 
Du sembolên têkoşînê hatin gel hevdu û bi destên hevdu girtin. Hevdu hembêz kirin. Leyla Xalid wiha got:"Hevdîtina bi we re ji bo min gelekî bi nirx e." Leyla Guven jî wiha got:"Dema min te dît têkoşîna me hat bîra me."
 
2020: Hêzên Çekdar ên Tirk (TSK) Wargeha Şehîd Rustem Cûdî (Mexmûr) bombebaran kir. Di êrişê de 3 jinî jiyana xwe ji dest dan. Cenazeyên jinan bi girseyê hatin binaxkirin.