NAVENDA NÛÇEYAN - Ciwanên endamên TCŞ û TekoJIN ên li Almanyayê, banga tevlîbûna çalakiya "Meşa Dirêj" a ku wê li bajarê Bielefeld ê Almanyayê dest pê bike û li Duisburgê bi dawî bibe, kirin.

 

Ciwanên endamên TCŞ û TekoJIN ên li Almanyayê dijîn, banga tevlîbûna ”Meşa Dirêj" a ku wê li bajarê Bielefeld ê Almanyayê dest pê bike û li Duisburgê bi dawî bibe, li ciwanan kirin.

 

Berjîn Guneş li ser navê ciwanan daxuyanî da. Berjîn Guneş bal kişand ser tecrîda giran ya li ser Rêberê PKK’ê Abdullah Ocalan û got: “Rêber Apo 25 sal in di bin tecrîdeke dijmirovahî de ye. Dewleta Tirk a faşîst di şexsê Rêbertiyê de dixwaze gelê Kurd dîl bigire. Azadiya Rêber Apo azadiya gelê Kurd û hemû gelên bindest e. Weke ciwanên li Elmanyayê dijîn, em li hemberî vê tecrîdê û êrîşa li ser azadiya xwe bêdeng namînin. Li ser vê bingehê em bang li hemû ciwanên li Ewropayê dikin ku beşdarî çalakiya 'Meşa Dirêj' a ku di navbera 15-20'ê Îlonê de li herêma NRW’ê ya Elmanyayê bê lidarxistin, bibin.”

 

Daxuyaniya ciwanan bi dirûşmeyên "Bijî Serok Apo”, "Bê Serok jiyan nabe" û "Jin, Jiyan, Azadî" bi dawî bû.

 

Ciwanên ku wê beşdarî “Meşa Dirêj” bibin, wê li eyaleta NRW'ê di navbera 16 û 20'ê Îlonê de her roj li bajarên cuda bimeşin. Ciwanên Kurd û enternasyonalîst wê li bajarên Bielefeld, Hamm, Dortmund, Essen û Duisburgê bi daxwaza azadiya fîzîkî ya Abdullah Ocalan dakevin qadan.

 

Agahiyên berfireh ên çalakiya "Meşa Dirêj" wiha hatin eşkerekirin:

 

15.09.2024 - Kombûn - Herbert Hinnendahl-Strasse 11, 33602 Bielefeld

 

15.09.2024 – Roj 1’emîn – Konferansa Rêber Apo

 

16.09.2024 – Roja 2’emîn – Bielefeld

 

17.09.2024 - Roja 3’yemîn - Hamm

 

18.09.2024 – Roja 4’emîn – Dortmund

 

19.09.2024 – Roja 5’emîn – Essen

 

20.09.2024 – Roja 6’emîn – Duisburg

 

Agahiyên têkiliyê

 

Mail: mesadirej2024@proton.me

 

Instagram: @mesadirej2024

 

Telegram: @mesadirej2024

 

TikTok: @mesadirej2024

 

X (Twitter): @mesadirej2024