AMED - Hunermend Emel Çîftçî di danişîna ewil a doza xwe de hate tehliyekirin. 

 

Hunermenda kurd Emel Çîftçî, di çarçoveya lêpirsîna Serdozgeriya Komarê ya Enqereyê de ku li ser îfadeyên şahidê nepen “Ulaş” hatibû destpêkirin, di 21’ê tebaxa 2023’yan de bi îdiayên “endamtiya rêxistinê” û “rêveberiya rêxistinê” hatibû girtin. Yekemîn danişîna dozê li 4’emîn Dadgeha Cezayên Giran a Amedê hat lidarxistin. Çîftçî, di danişînê de amade bû. 

 

Şahidê nepen “Ulaş” bi rêya SEGBÎS’ê tev li danişînê bû û îdia kir ku Emel “qaşo hunermend e, kadroya rêxistinê ye.” Emel ev îdiaya red kir û got ku şahidê nepen ê behsa xeberê nas nake. Emel diyar kir ku hunermend e, tedawiya penceşêrê dibîne û xwest bê tehliyekirin. 

 

Dozger jî xwest rewşa girtî ya Emel bidome. Parêzerê Çîftçî Şerzan Yelboga jî diyar kir ku îdiayên şahidê nepen îdiayên razber in û tu delîlên şênber di dosyayê de nînin. 

 

Şandeya dadgehê bi şertê kontrola edlî biryara tehliyeyê da û danişîna dozê taloqî 14’ê adarê kir.