NAVENDA NÛÇEYAN - Di çarçoveya pêngava "Ji Abdullah Ocalan re azadî, ji pirsgirêka kurd re çareseriya siyasî" de li Danîmarka, Hollanda û Elmanyayê kon hatin vedan. 

 

Di 10'ê Cotmehê de li 74 navendan pêngaveke cîhanî bi dirûşma "Ji Abdullah Ocalan re azadî, ji pirsgirêka kurd re çareseriya siyasî" hat destpêkirin. Di çarçoveya pêngavê de li Danîmarka, Hollanda û Elmanyayê kon hatin vedan. 

 

Kurdên li Kopenhagê, li ber Parlamentoya Danîmarkayê kon vegirt. Çalakî wê sê rojan berdewam bike. 

 

Li Den Haagê ku bajarekê Hollandayê ye, bi heman mebestê dest bi çalakiya vegirtina kon hat kirin.

 

Li Frankfûrtê ku bajarekê Elmanyayê ye jî çalakiya vegirtina kon saet di 12.00’an de li Haupwacheyê dest pê bû.

 

Navenda Civaka Kurd a Demokratîk (DKTM) û Tevgera Jinên Kurd li Ewropayê (TJK-E) çalakî organîze kiriye. Çalakî wê bi sê rojan bidome. Roja pêşîn a çalakiyê belavokên derbarê tecrîdê de hatî amadekirin hatin belavkirin.