NAVENDA NÛÇEYAN - Rêveberiya Xweser dosyayeke giştî der barê êrişên dewleta tirk ên li dijî Bakur û Rojhilatê Sûriyeyê de radestî gelek aliyên navneteweyî, rêxistinên hiqûqî û qanûnî kir.

 

Rêveberiya Xweser a Bakur û Rojhilatê Sûriyeyê der barê êrişên ji 4 heta 10’ê Cotmeha 2023’yan yên dewleta tirk dosyayeke bi wêne amade kir.

 

Li gorî dosyayê, artêşa tirk 224 cih bi 304 êrişên hewayî û bejayî kirine hedef, ji wan 224 cih bi topan û çekên giran û 83 cih bi balafirên bêmirov û yên şer hatine hedefkirin.

 

Rêveberiya Xweser di dosyayê de diyar kir ku dewleta tirk stasyonên kehrebeyê, nuqteyên petrolê û navendên tenduristiyê, derdora kampên Waşûkanî û Roj û bi dehan gundên sivîlan kirine hedef. Her wiha da zanîn ku di encama êrişan de 47 kesan jiyana xwe ji dest dane, ji wan 5 kes ji gundewarê Kobanê ne, 55  kes birîndar bûne û zirarên madî bi qasî 56 mîlyon dolarî çêbûn.

 

Daîreya Têkiliyên Derve diyar kir ku wê dosya bi rêya email ji van aliyan re şandiye:

 

Nivîsgeha sekreterê giştî yê Neteweyên Yekbûyî (NY) Antonio Guterres.

 

Cîgirê sekreterê giştî  yê kar û barên mirovî yê NY'yê Martin Griffith.

 

Nivîsgeha nûnerê NY'yê yê taybet ji bo Sûriyeyê Geir Pedersen.

 

Nûnertiyên Amerîka, Brîtanya, Frans, Almanya, Siwêd, Fînland, Holand û Yewnanistanê yên NY’yê li Cinêvê.

 

Komseya Mafên Mirovan a NY’yê.

 

Komîteya Lêkolînê ya NY'yê

 

Wezareta Karên Derve ya Swîsrayê.

 

Rêxistina SÎTÎM a Swîsrayê.

 

Peymangeha Lêkolînên Bilind a Cinêvê.

 

Rêxistina Efûyê ya Navneteweyî.

 

Rêxistina Human Rights Watch.

 

Dezgehên çapemeniyê yên xwecih û yên navneteweyî.

 

Wezaretên karên derve yên Yekitiya Ewropayê, Belçîkayê û Holandayê.

 

Parlamenterên Ewropa û Belçîkayê.

 

Kesayet û partiyên siyasî yên Belçîka, Holanda û Luksemburgê.

 

Saziyên civaka sivîl û rêxistinên xwecih û navneteweyî yên Belçîkayê.

 

Nivîsgeha Serokwezîrtiya Awusturyayê, serok û endamên parlamentoyên Awusturyayê û ya xwecih û Ewropayê û serokên partiyan.

 

Wezareta Kar û Barên Ewropayê û ya Derve.

 

Rêxistinên navneteweyî û nivîsgehên wan ên Awusturyayê, çapemenî, navendên lêkolînan û rêxistinên mirovî.