NAVENDA NÛÇEYAN - Koordînasyona TJK-E'yê ji ber salvegera 2'emîn a qetilkirina Jîna Emînî daxuyaniyek da û diyar kir ku wê bi dirûşma "Na ji darvekirinê re, erê ji jiyana azad re" çalakiyan li dar bixin.

 

Koordînasyona Tevgera Jinên Kurd a Ewropayê (TJK-E) ji ber salvegera qetilkirina Jîna Emînî û serhildana "Jin, Jiyan, Azadî" daxuyaniyek weşand. Di daxuyaniyê de hate bibîrxistin ku beriya niha bi 2 salan qetilkirina Jîna (Mahsa) Emînî ji aliyê 'Polîsên Exlaqê' yên Îranê ve bû sedem ku jin biherikin qadan û pêvajoyeke serhildanê ya mezin li dijî kiryarên dewleta Îranê hate destpêkirin.

 

Di daxuyaniyê de hate ragihandin ku vê berxwedana li Rojhilatê Kurdistanê û Îranê dest pê kir, pêl bi pêl li tevahiya cîhanê belav bû û felsefeya 'Jin, Jiyan, Azadî' ya Rêberê Gelê Kurd Abdullah Ocalan gerdûnî bû, bi her zimanî bû parolaya azadiyê ya têkoşîna jinan.

 

TJK-E'yê destnîşan kir ku serhildana "Jin, Jiyan, Azadî" mohra xwe li sedsala 21'ê xist û bi vî rengî cihê xwe di nava rûpelên bi rûmet ên dîrokê de girt.

 

Di dewama daxuyaniyê de hate ragihandin ku rejîmê hêza têkoşînê ya jinê dîtiye, bi kiryarên li dijî mirovahiyê bersivê dide têkoşîna nasnameyê û azadiyê ya jinan û wih hate gotin, "Cezayê darvekriinê yê li rojnamevan û parêzvana mafên jinê Pexşan Ezîzî û parêzvana mafên karkeran Şerîfe Mûhammedî hatiye birîn encameke vê yekê ye. Lewma kampanya 'Na ji darvekirinê re, erê ji jiyana azad re' ya ku bi pêşengiya KJAR'ê hatiye destpêkirin, di vê demê de gelekî girîng e.

 

Bi dirûşma "Na ji darvekirinê re, erê ji jiyana azad re" heta niha gelek çalakî û kampanyayên îmzeyan hatin lidarxistin. Weke jinên ji TJK-E'yê em careke din diyar dikin ku van jinên parêzvanên mafên jinê, edalet û kedê bi tenê nehêlin, li hemberî vê biryarê em ê têkoşîna xwe hîn mezin bikin. Em bang li saziyên navneteweyî û parêzvanên mafên mirovan dikin ku tavilê bikevin nava liv û tevgerê."

 

Di dawiya daxuyaniyê de hate ragihandin ku di navbera 12-16'ê Îlonê de wê li gelek bajarên Ewropayê çalakî bên lidarxistin û banga tevlîbûnê hate kirin.

 

Li gorî daxuyaniyê, bernameya çalakiyan bi vî rengî ye:

 

Çalakiyên 12'ê Îlonê

 

München

Saet: 16.00

Cih: Karlsplatz/Stachus

 

Çalakiyên 13'ê Îlonê

 

Swîsre

 

Saet: 17:30

Cih: Rathaus Zürich

Limmatquai 55

 

Elmaniya

 

Aurich/Oldenburg 

Saet: 15.00

Cih:  Marktplatz 

 

Hamburg

Saet: 17.00

Pêşiya Mercado

 

Kiel

Saet: 16.00

Cih: Europaplatz

 

Çalakiyên 14'ê Îlonê

 

Elmanya

 

Bremen

Saet:15.00

Cih: Domshof 

 

Hamburg

Saet: 18.00

Cih: Altonerstr. 63

 

Hannover

Forum

Saet: 12.30

Cih: Am Kina Mahsa Amini Platz

 

Münster

Saet: 12.00

Cih: Hauptbahnhof

 

Koln

Semîner

Saet:14.00

Cih: Allerwelthaus/ Geisel Str. 3-5

 

Berlin

Saet: 17.00

Cih: Hermannplatz

 

Frankfurt

Saet: 14.00

Cih: An der Hauptwache

 

Düsseldorf

Saet: 14.00

Cih: DGB-Haus/

Friedrich -Ebert-Str.

 

NORWÊC

 

Oslo

Saet: 14.00

Cih: Li pêşiya Wezareta Karên Derve

 

SWÊD

 

Stockholm

Saet: 14.00

Cih: Norrabantorget 

 

Helsingborg

Saet: 17.00

Cih: Stortorgett

 

BELÇÎKA

 

Brüksel 

Saet: 14.00

Cih: Pêşniya Konsolosxaneya Îranê

 

HOLLANDA 

 

Amsterdam

Saet: 13.00

Cih: Amsterdam Beursplein

 

ÎTALYA

 

Venezia

Saet: 16.30

Cih: Piazza XXVII OTTOBRE davanti a COİN Mestre

 

Çalakiyên 15'ê îlonê

 

Fransa

 

Paris

Saet: 14:00

Cih: Place De La Bastille a L’Hotel De Ville

 

Çalakiyên 16'ê Îlonê

 

Elmanya

 

Stuttgart 

Saet: 17.00

Cih: Herzog -Christoph-Denkmal/Schlossplatz

 

FÎNLANDIYA

 

Helsinki

Saet: 16.30

Cih: Narinkkatori, Kamppi

 

Îngilistan

 

London

Saet: 14.00

Cih: 16 Princes Gaye, London SW7 1PT