AMED - 3 pirtûkên helbestê yên bi zaravayê Kurmancî yê Kurdî yên ku ji aliyê jinan ve hatine nivîsandin ji aliyê Weşanxaneya J&J'yê ve hatin weşandin. Jinên Helbestkar ên Kurd ên bi navê Sultan Yaray, Zozan Gulan û Reşê cara yekeme ku pirtûkên xwe yên helbestê çap dikin.

 

3 pirtûkên helbestê yên bi zaravayê Kurmancî yê Kurdî yên ku ji aliyê jinan ve hatine nivîsandin ji aliyê Weşanxaneya J&J'yê ve hatin weşandin. Jinên Helbestkar ên Kurd ên bi navê Sultan Yaray, Zozan Gulan û Reşê cara yekeme ku pirtûkên xwe yên helbestê çap dikin. Pirtûka Helbestê ya Sultan Yaray a bi navê Bêyî Te ji 126 rûpelan pêk tê û çarînek helbestê ya li dû berga wê wiha ye: 

 

"Îşev bila hemû stêrk 

  li ber bedewiya te bixuricin

  ji bo şeva min ronî bibe

  tenê çirûskek te bes e."

 

Pirtûka Zozan Gulan a helbestê ya bi navê Ajero ji 72 rûpelan pêk tê û  çarînek helbestê ya li dû berga wê wiha ye: 

 

"Ji hatina te re, bûme heyva zimanê şevên lal

  Lewra hebûna min bi tîrêjên evîneke dijwar 

 

Çûyina te li min bû volqanekê dilê binelal

Ji derve tarî û sar im ji hundur ve ar û hawar."

 

Her wiha pirtûka helbestê ya Reşê ji 129 rûpelan pêk tê û çarînek helbestê ya li dû berga wê wiha ye: 

 

"Ey ala!

  Ku tu bilind nebî bala,

  Jiyan ji bo me her vala.

  Lazime Kurd bike mitala,

  Da ku bi hev re rakin em ev ala."