WAN - Kesên di “Meşa Mezin a Azadiyê” de cih digirin li navçeya Elbaqê ku gihiştinê serdana dikandaran kirin. 

 

Kesên beşdarî “Meşa Mezin a Azadiyê” bûn ku bi daxwaza pêkhatina azadiya fizîkî ya Rêberê PKK’ê Abdullah Ocalan û çareseriya pirsgirêka Kurd starta wê hate dayîn piştî navçeya Payîzava ya Wanê gihiştin Elbaqê. 

 

Hevserokê Giştî yê Partiya Herêmên Demokratîk (DBP) Keskîn Bayindir, parlamenterên Partiya Wekhevî û Demokrasiyê ya Gelan (DEM Partî) û gelek nûnerên saziyên sivîl ên civakî ku di meşê de cih digirin li ber Rêxistina DEM Partiyê ya navçeyê bi çepik û tilîliyan hatin pêşwazîkirin. 

 

Meşvanên Azadiyê ku bi sedan kesên li avahiya navçeyê kom bûn yek bi yek silav kirin, serdana dikandaran dikin. 

 

'Piştgiriyê bidin meşê'

 

Ji Meşvanên Azadiyê Parlamenterê Wanê Mahmut Dundar yek bi yek bi sedan kesên li navçeyê li hev civiyan silav kir û got: "Meşa Azadiyê ya ku me daye destpêkirin wê Kurdistanê azad bike. Îro gelê me yê Wanê li dijî hemû meylên faşîzmê piştgirî da me. Em li Payîzavayê bi coşeke mezin hatin pêşwazîkirin. Em dizanin ku heta gelê me bi me re be em ê bigihêjin armanca xwe. Gelê hêja, hûn dizanin ev sed sal in li ser vê xakê zilm û zordarî heye. Em jî wek gelên din dibêjin li dijî vê zilma ku ev sed sal in berdewam dike rawestin. Em wek gelê kurd dixwazin li axa xwe, bi ziman û çanda xwe bi azadî bijîn. Em vê dixwazin. Gelê kurd 40 sal in li ber xwe dide. Divê êdî zarokên gelê kurd û gelê tirk neçin binê erdê, ev meş ne tenê ji bo gelê kurd, ji bo azadiya hemû gelan e, piştgirî bidin vê meşê, destê xwe bidin destê me, em vê meşê heta dawiyê bibin. Bêyî şikandina tecrîda li ser birêz Ocalan aştî dê neyê vê xakê. Birêz Ocalan qasidê aştiyê ye. Ji ber vê yekê divê mifteya Îmraliyê bê şikandin."

 

'Muxatab birêz Ocalan e'

 

Hevşaredara Bajarê Mezin a Wanê Neslîhan Şedal, malavayiya elbakiyan kir ji bo pêşwazîkirina bi coş. Neslîhanê diyar kir ku di dîroka dagirkeran de her tim mirin, komkujî û îşkence wekî nexşerêyê hatiye diyarkirin û got: "Gelê kurd her tim para xwe ji serhildanê girtiye. Muxatabê çareseriya pirsgirêka kurd birêz Ocalan e. Heya hûn wekî muxatab birêz Ocalan esas negirin, heta ku tecrîd neyê şikandin aştî pêk nayê. Heta ku tecrîd neyê şikandin û birêz Ocalan azad nebe, pirsgirêka kurd çareser nabe. Hemû kesên ku îro aştiyê dixwazin bila piştgiriyê bidin têkoşîna me. Teqez em ê bi ser bikevin." 

 

Namzetê Hevşaredarê Bajarê Mezin a Wanê Abdullah Zeydan ku spasiya gelê Elbakê kir, bal kişand ser grevên birçîbûnê yên li girtîgehan. Abdullah Zeydan bal kişand ser meşê û got: "Gelê kurd ji bo di nava aştî û wekheviyê de bijî têdikoşe. Ji bo vê jî 'Meşa Azadiyê' hat destpêkirin. Gelê kurd 40 sal in li ber xwe dide. Her wiha bedelên mezin dane. Gelê me ji bo jiyaneke hevpar, wekhev û azad di vê meşê de ye. Ji bo dengê birêz Ocalan bigihêje civakê meş hat destpêkirin. Dema dengê birêz Ocalan hat bihîstin atmosfera aştiyê ava dibe. Ji ber vê yekê divê hemû gelên Tirkiyeyê destekê bidin vê meşê. Dema ku tecrîda li ser Birêz Ocalan bê şikandin hêviya aştiyê jî wê çêbibe." 

 

Namzetên Hevşaredarên Elbakê Şengul Polat û Fevzî Caner jî bal kişandin ser tecrîda li Îmraliyê û gotin ku Meşa Azadiyê gelekî girîng e.

 

Çûn serdana esnafan

 

Piştî daxuyaniyê namzetên hevşaredarên Wan û Elbakê û Meşvanên Azadiyê bi hev re dikandaran ziyaret kirin. Di ziyaretê de li Kolana Kadîr Sarûhan der barê "Meşa Mezin a Azadiyê" de agahî hatin dayîn.