ÊLIH - Mala Dengbêjan ku di bin banê şaredariya Êlihê de ye dest bi xebatan kir.

 

Şaredariya Êlihê dîsa dest bi xebatên xwe yên ji bo parastin û domandina çandê kir. Mala Dengbêjan a girêdayî Midûriyeta Çand û Karên Civakî ya Şaredariya Êlihê, li Parka Salih Ozdemîr çalakî li dar xist û gelek welatî tevli bûn. 

 

Di bernameya ewil de ji dengbêjên bajar ên navdar Perîxana Şirnexî, Ehmedê Xiyî, Evdilê Koçer, Evdilezîzê Koçer, Heyderê Xiyî û Salihê Qubînî cih girtin. Hevşaredar Gulistan Sonuk di bernameyê de axivî û wiha got: “Ji bo parastin û domandina hunera dengbêjiyê, çi ji destê me bê em ê bikin. Dê di rojên pêş de bernameyên me bidomin.” 

 

Dengbêjên ku stranên xwe pêşkeşkirin, rastî eleqeyeke mezin a gel hatin. Çalakî heta derengiya şevê domiya.