MÊRDÎN- Girtîgeha Tîpa E ya Mêrdînê ku her tim bi zext û lêpirsînan tê rojevê, hat hînbûn ku îdara girtîgehê bê hincet hevdîtinên navxweyî yên girtiyan asteng dike.

 

Li girtîgeha Tîpa E ya Mêrdînê derket holê ku rêveberiya girtîgehê hevdîtinên navxweyî qedexe kiriye. Hat hînbûn ku herî dawî li jinên ku ketibûn grevê jî lêpirsîn hatiye destpêkirin û ev meheke girtî nikarin hevdîtina navxweyî bikin.

 

Girtiyan di peyama ku bi hevkariya malbat û parêzeran şandiye de diyar kirin ku hevdîtinên navxweyî beyî hincet hatine qedexekirin û bang kirin ku divê ev rewş demildest bê sererastkirin.

 

Hevdîtinên parêzeran

 

Li girtîgeha ku her diçin zext zêde dibin, berê jî hevdîtina parêzeran xistibûn bin qeydan û ji ber vê girtî bi mehan derneketin hevdîtina parêzeran. Tevî îtîrazên parêzaran rayedarên girtîgehê şûnde gav navêtin.