MÛŞ - Li navçeya Gimgimê namzetên HDP`ê ji esnafan re belavokên hilbijartinê belav kirin. 

 

Li Serhedê xebatên HDP`ê yên hilbijartinê bê navber berdewam dikin. Bi tevlîbûna namzetên HDP`ê Gûlîstan Kiliç Koçyigit, Mensur İşik, Şevîn Coşkun û Adnan Topçu li Gimgimê ji gel re belavokên hilbijartinê hatine belavkirin. Gel di destpêka navçeyê de heyet bi konvoyê pêşwazî kir. Gel eleqeyeke mezin da namzetan. 

 

`Em ê bi gelê xwe re di 24`ê hezîranê de Tirkiyeyê bikîn keleha azadiyê`

 

Li ber avahiya HDP`ê ya navçeyê Gûlîstan Kiliç Koçyigit axivi Gûlîstanê bal kişand ser hilbijartinê û wiha got:“Li hemberî hemû astengiyan em xebatên xwe didin meşandin. Dê hêza wan têrê neke ku me ji gelê me dûr bixin. Ev hilbijartineke êrîşkar e. Niha hemû serokkomar li qadan xebatên xwe didin meşandin, lê namzetê me di girtîgehê de hatiye êsîrgirtin. Riyek heye ku em dawiya vê zilmê bînîn, ew jî em ê di 24`ê hezîranê de biçin ser sindoqan û dengekî bidin Selahattin Demîrtaş û dengekî jî bidîn HDP`ê. Em ê bi awayekî demokratîk bi ser bikevin û pêşiya demokrasiyê, aşitiyê, wekhêviyê vekin. Em ê bi gelê xwe re di 24`ê hezîranê de Tirkiyeyê bikin keleha azadiyê. ”

 

Piştî axiftinan bi tevlîbûna rêxistinên HDP, DBP`ê yên navend û navçeyan ji esnafan re belavokên hilbijartinê hatin belavkirin.