ŞIRNEX - Parlamentera HDP'ê Feleknas Ûca û heyeta bi wê re di serdana bazirganên Elkê de hatin gel hev. 

 

Xebatên hilbijartinê yên Partiya Demokratîk a Gelan (HDP) ên li Şirnexê û navçeyên wê didomin. Îro jî Parlamentera HDP'ê Feleknas Ûca û heyeta bi wê re çûn serdana bazirganên Elkê. Heyet di ketina navçeyê de ji lêpirsîna nasnameyê derbas bûn û qasekê hatin sekinandin. Piştre heyet çû serdana bazirganan. 

 

Qartên ku li ser wê wêneyê namzetê Serokkomariyê Selahattin Demirtaş hebû li bazirganan hat belavkirin û banga xwedîderketina li Selahattin Demirtaş hat kirin. Gel eleqeyek mezin nîşanî heyeta HDP'ê da û peyama xwedîderketina îradaye xwe da. 

 

Piştî serdana bazirganan heyet derbasî Qilebanê bû.