GIRKÊLEGÊ - Ji bo şermezarkirina êrîşên dewleta tirk ên li ser Efrînê û pişgtiriya berxwedana serdemê ya Efrînê li Çelaxê meşek girseyî hat lidarxistin.  

 

Ji bo şermezarkirina êrîşên dewleta tirk ên li ser Efrînê û pişgtiriya berxwedana serdemê ya Efrînê bi pêşengiya Tevgera Civaka Demokratîk (TEV-DEM) li Bajarokê Çelaxê yê Girkêlegê meşek girseyî hat lidarxistin. Meşê ji destpêka bajêr dest pê kir û li nava bazarê veguhert mîtîngê.  

 

Di meşê de wêneyê Rêberê PKK'ê Abdullah Ocalan hat hilgirtin û dirûşma "Bijî Berxwedana Efrînê" hat berzkirin. Piştî ku meş rawestiya ji bo berxwedêrên azadiyê deqeyek rêz hat girtin. Li ser navê Kongreya Star Nezha Sêfaldîn axivî û got:"Em bi vîna gelê Kurd a xurt berxwedana Efrînê slav dikin. Dê gelê Kurd bi vîna xwe ya azad û xurt hemû êrîşên neyaran vala derxîne. Em ê tu carî koletiyê qebûl nekin û têkoşîna xwe ya ji bo Efrînê bidomînin."

 

Meş bi dirûşma "Bijî berxwedana Efrînê" bi dawî bû.