COLEMÊRG - Di pîrozbahiya Newrozê ya li Geverê ya bi beşdariya bi deh hezaran kesî hat lidarxistin de, gel bal kişand ser polîtîkayên tecrîdê yên li ser Rêberê PKK'ê Abdullah Ocalan û azadiya fîzîkî ya Ocalan xwest.

 

Li navçeya Geverê ya Colemêrgê bi saetan beriya pîrozbahiya Newrozê ya bi dirûşma "Niha dema azadiyê ye" welatî ber bi Stadyûma Bajarê Nû ya Geverê ve  ku pîrozbahî lê hat li darxistin ve herikîn.  Qada ku Newroz lê hat pîrozkirin bi alên zer, sor û kesk ên Partiya Wekhevî û Demokrasiyê (DEM) û pankartên "Rabe DEM Hat" hat xemilandin. Welatiyên ji yek nuqteyê ketin qadê û piştî lêgerîna polîsan bi tilîliyan ketin qadê. Pîrozbahî bi govendê û bi stranên Newrozê dest pê kir.

 

Dirûşmên 'Bijî Serok Apo' hat berzkirin

 

Bi destpêkirina Newrozê re ku bi deh hezaran kes beşdar bûn bênavber dirûşmên "Bê Serok jiyan nabe" hatin qîrîn. Pîrozbahî piştî deqeyeke rêzgirtinê ji bo bîranîna kesên di têkoşîna azadiyê de jiyana xwe ji dest dane destpê kir. Di dema rêzgirtinê de girseya gel sirûda "Çerxa Şoreşê" bi dengekî bilind xwend. Piştre girseyê bê navber dirûşmên "Şehîd rûmeta me ne" berz kirin. Di pîrozbahiya ku piştî kêliya bêdengiyê destpê kir de girseya ciwan û jinan bal kişand. 

 

Di pîrozbahiyê de Cîgirê Hevserokê Giştî yê DEM Partiyê Vezîr Coşkun Parlak axivî û der barê Îkbal Yaşar, Fahrettîn Şedal ên di Newroza 2008’an de li Geverê ji aliyê polîsan ve hatin qetilkirin, Dayikên Aştiyê û parêzerê Ocalan ku par jiyana xwe ji dest dan axivî.

 

'Ev agir zû yan dereng wê bigihêje serkeftinê'

 

Hevserokê navçeya Geverê ya DEM Partiyê Ercan Sevmez got, “Agirê ku me îro li Geverê pêxist, agirê hevrêyên me yên ku di 12’ê Îlonê de li zindanên Amedê rastî îşkenceyê hatin, gelê me yê li Kobanê û Şengalê li dijî DAIŞ’ê li ber xwe dan û yên ku li dijî çeteyên DAIŞ’ê şer kirin. di zindanan de li ber xwe dan. "Ev agir dê zû yan dereng bigihêje serkeftinê. " 

 

'Serkeftin wê di 31'ê Adarê de ya gelê Kurdistanê be'

 

 Namzeta Hevşaredar a Geverê ya DEM Partiyê Şadiye Kirmzîgul jî got, “Gever demeke dirêj ji aliyê qeyûm ve tê birêvebirin. Derdê dagirkeran rihetiya wan e, em ê bi gelê xwe re bi hev bajarê xwe rêve bibin û çi dibe bila bibe wê di 31’ê Adarê de serkeftin ya me be. 

 

'Em li ser sindoqan rekorekê bişkînin'

 

Namzedê hevşaredarŞ oreş Dirî jî got, “Li dijî zîhniyeta AKP’ê ku îro astengiyên mezin li pêşiya gelê Geverê derdixe, qad tijî kirin e.

 

Berdevka Meclisa Jinan a DEM Partiyê Halîde Turkoglu jî axivî û Newroza gel pîroz kir. 

 

Piştî axaftinan endamên partiyê û gel bi hev re agirê Newrozê pêxistin. Gel li derdora agirê vêxistin bi stranên hunermend Mîkaîl Aslan û Koma Aryen govend gerand.