AGIRÎ - Li Bazîdê di pîrozbahiya Newrozê de Hevseroka Giştî ya DEM Partî Tulay Hatîmogullari axivî û got: “Em di sala 2024’an de ji Bazîdê li vir bang dikin; Peyama ku di sala 2013’yan de hatiye şandin, peyama me ye.”

 

Li navçeya Bazîda Agiriyê bi dirûşma “Rabe dema azadî û serkeftinê ye” ve bi tevlîbûna Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogllari pîrozbahiya Newrozê hat kirin. Qada Newrozê ku bi alên DEM Partî ve hatin xemilandin, gel bi cilên xwe yên gelerî ve herikîn qadê. Di qadê de ciwanan pankarta “Bi agirê ciwanan tên agirê Newrozê pêdixin” hat vekirin. Qada Newrozê bi taybetî bi jin û zarokan xemilî. Ligel baran û berfa ku barî jî gel qadê tijî kir. Tulay Hatîmogullari, rêxistina DEM Partî û ciwan bi meşaleyên hatin pêxistin heta qadê meşiyan. Mitîng bi deqeyek rêzgirtinê dest pê kir de dirûşmeya “Şehît Namirin” hat bezkirin.

 

‘Pêşiya diyalogê vebikin’

 

 

Di destpêkê de Tulay Hatîmogullari axivî. Tulay, bi lêv kir ku ligel baran û berfê gelên ku qada Newrozê kom bûye slav kir û bal kişand li ser peyama 2013’yan a Rêberê PKK’ê Abdullah Ocalan. Tulay, anî ziman ku peyama Ocalan peyama wan bi xwe ye û wiha got: “Em di sala 2024’an de ji Bazîdê li vir bang dikin; Peyama ku di sala 2013’yan de hatiye şandin, peyama me ye. Em dibêjin aştî, qesr ji şer re amade dike. Bi rojan e nûnerên hikûmetê li Iraqê lûtkeya şer li dar dixin. Bi çend rojan beriya hilbijartinên herêmî soza şer didin. Em bang li kesên ku hewl didin pirsgirêka kurd veguherînin pirsgirêka hilbijartinê; banga me ya ji bo aştî û diyalogê pir girîng e ku em kêmî hilbijartinan bibin. Li ser vê axê 40 sal in mirov dimirin û bedel didin. Pirsgirêka kurd pirsgirêka statuyê ye û divê bê çareserkirin. Divê pêvajoyeke diyalogê bê destpêkirin. Em peyama sala 2013’yan li pişt xwe digirin, careke din banga diyalogê dikin. Weke aliyê diyalog û muzakereyê em ê piştî hilbijartinan bi awayekî herî bilind vê bangê li hikûmet, muxalefet û hemû dînamîkên civakî bikin.”

 

‘Jiyanek hevpar em ê ava bikin’

 

Tulay, bi lêv kir ku ew ê di sedsala duyemîn a Komarê de ji bo avakirina komara demokratîk têbikoşin û wiha pê de çû: “Avakirina jiyaneke hevpar xebatên me yên ji bo avakirina jiyaneke hevpar ji bo gelên ji heftê û du neteweyên li Tirkiyeyê dijîn heta dawiyê wê bidomin. Haya me hemûyan ji berdêlên ku em didin van hewldanan hene. Dema ku em destên xwe dirêjî van lêkolînan dikin, em dizanin ku li şûna aştiyê şer û pevçûn li ser me ferz dikin. Lê ligel vê jî em dibêjin ku em ê di sedsala duyemîn a Komarê de komara demokratîk ava bikin. Em ê li ser van xakan di nava aştî û aramiyê de jiyana wekhevî û hevpar ava bikin. Yên ku li qesrê şerxwaz in, dê bibînin ku di hilbijartinên 31’ê Adarê de qêrîna me ya aştiyê çiqasî bi hêz e. Ji hilbijartinên bê re tenê çend roj an jî çend saet mane. Ji bo vê jî dem hatiye ku em bi şev û roj xebatên xwe zêdetir bikin. Daxwaza me ya herî mezin ji we ew e ku hûn bang li hilbijêrên me yên li derveyî welat bikin û li hemû navçeyên Agiriyê dengê xwe bidin, werin em bi şev û roj bi hev re li ser vê mijarê bixebitin. Werin em bi rihê 8’ê Adarê û Newrozê biçin serketina 31’ê Adarê.”

 

 

‘Azadiya Birêz Ocalan bê pêkanîn’

 

Tulay, wiha bal kişand ser tecrîdê: "Heya ku tecrîda Îmraliyê bê ferz kirin, em ê jî dê bêjin divê tecrîd bê şikandin. Ger ku tecrîda Îmraliyê neyê rakirin, zehmet e ku li vî welatî pêvajoya aştî û diyalogê dest pê bike. Em hemû bi hev re dibêjin divê tecrîda li Îmraliyê bê rakirin û azadiya Birêz Ocalan bê azadkirin. Em ê yan rêyekê ji bo aştiyê bibînin yan jî em ê vekin. Hilbijartinên 31ê Adarê ji bo vekirina vê rêyê pir girîng e.”

 

Piştî axaftina Tulay, agirê Newrozê hat pêxistin. Di dorê de jî hûnermend Evîn Sindî derket ser dîkê û stranên xwe vegot. Gel li dora agir govendê gerandin. Piştre jî hûnermend Kamûran Tîrej bi stranên xwe derket ser dîkê. Stranên ku hatin gotin ve silav ji girtîgehan re hat şandin.

 

Mitîng bi gerandina govendê bi dawî bû.