AMED - Baskên Qers û Wanê yên "Meşa Mezin a Azadiyê" piştî 13 rojan li Amedê gihaştin hev. Meşvanên Azadiyê pêşmalkên spî derxistin û pêşmalkên reş li xwe kirin. 

 

"Meşa Mezin a Azadiyê" ku ji bo azadiya Rêberê PKK'ê Abdullah Ocalan û çareseriya demokratîk a pirsgirêka kurd bi beşdariya siyasetmedar û rêxistinên  sivîl ên demokratîk berdewam dike. Baskê Wanê ji Xana Axparê û Baskê Qersê jî ji Bismilê bi rêketin û li Palûkê gihaştin hev. 

 

Li vir Meşvanên Azadiyê bi kulîlkan hatin pêşwazîkirin. Her wiha di meşê de Meşvanên Azadiyê pêşmalkên spî derxistin û pêşmalkên reş li xwe kirin.

 

Piştî her du bask gihaştin hev ber bi Amedê ve bi rê ketin.