NAVENDA NÛÇEYAN - Partiyên siyasî yên Bakur û Rojhilatê Sûriyeyê bang li hêzên nîştimanî yên Sûriyeyê û hêzên demokratîk ên li Tirkiye û cîhanê kir ku li hember êrişên dewleta Tirk helwestê nîşan bidin.  

 

33 partiyên kurdî û erebî yên li Bakur û Rojhilatê Sûriyeyê têkildarî êrişên dewleta Tirk dijî avahiyên stratejîk ên herêmê daxuyaniyeke hevpar da. Sekreterê Giştî yê Partiya Demokrat a Kurd li Sûriyeyê (Partî) Nesreddîn Îbrahîm li hola navenda Dîplomasiya Civakî li bajarê Qamişloyê daxuyanî xwend.

 

Di daxuyaniyê de hate gotin: 

 

“Gund û bajarên Bakur û Rojhilatê Sûriyeyê ji aliyê dewleta Tirk a dagirker ve bi awayekî hovane rastî êrişan tên. Êriş bi balafirên bêmirov û biçek tên kirin û sivîl, endamên Hêzên Ewlekariya Hundirîn, rêveberiyên saziyên sivîl dibin hedef. Dewleta dagirker 4`ê Cotmehê jî êrişeke berfireh li dijî herêmê ji seranserê xeta sînor, heta Kobanê û Hesekê da destpêkirin. Her wiha hemû navendên jiyanê mîna stasyonên av, kehrebe û pîşesaziyê kirin hedef.

 

Dewleta Tirk gelek dever dagir kirin, xelkê Efrîn, Serêkaniyê û Girê Spî da koçberkirin û niha jî hewl dide herêmên din ên Sûriyeyê dagir bike. Bêdengiya navneteweyî jî hat rexnekirin û wekî hevkariya sûcên li dijî gelê Sûriyeyê hat hesibandin.

 

Dewleta Tirk pirsgirêkên xwe yên hundirîn bi projeya Rêveberiya Xweser a Bakur û Rojhilatê Sûriyeyê ve girê dide. Vê siyaseta dijminahiyê ya Enqerê ji bo herdu gelên Sûriye û Tirkiyeyê bûye bela. Wekî partiyên siyasî me her tim piştgirî daye aştiya navxweyî li Sûriyeyê û welatên cîran.

 

Bêdengiya navneteweyî ya li hember sûcên dewleta Tirk a dagirker ên li dijî herêmê jî hatin şermezarkirin û bang li hêzên nîştimanî yên Sûriyeyê û hêzên demokratîk ên Tirkiye û cîhanê hate kirin ku vê êrişa li dijî herêmên ewle yên Sûriyeyê şermezar bikin. Partiyan bang li gelê Sûriyeyê û pêkhateyên Bakur û Rojhilatê Sûriyeyê jî kir ku li hember vê êrişê hevgirtî bin û derfetê nedin wan kesên dixwazin yekitî û serdestiya Sûriyeyê têk bibin.

 

Navên partiyên daxuyanî dane wiha ne:

 

Partiya Yekitiya Demokratîk (PYD)

 

Partiya Kesk a Demokratîk

 

Partiya Aştiya Demokratîk a Kurdistanê

 

Partiya Komunîst a Kurdistanê

 

Partî Demokrat a Kurdistanê-Sûriye

 

Partiya Demokratîk a Kurd li Sûriyê

 

Partiya Çepgir a Kurd li Sûriyê

 

Partiya Çepgir a Demokratîk a Kurd li Sûriyê

 

Partiya Sûriya Pêşerojê

 

Partiya Guhertina Demokratîk a Kurdistanê

 

Partiya Nûkirin a Kurdistanê

 

Partiya Karker a Kurdistanê

 

Desteya Nîştimanî ya Erebî

 

Partiya Nûjen û Demokrasiyê ya Sûriyê

 

Partiya Wîfaq a Demokratîk a Kurd li Sûriyê

 

Partiya Refom –Sûriye

 

Partiya Asûr a Demokratîk

 

Partiya Biratî ya Kurdistanê

 

Partiya Roj a Demokratîk a Kurd li Sûriyê

 

Tevgera Civaka Demokratîk (TEV-DEM)

 

Kongra Star

 

Partiya Muhafizkeran

 

Şepêla Pêşerojê ya Kurdistanê

 

Partiya Demokratîk a Kurdistanê-Rojavayê Kurdistanê

 

Heyet Tensîq El Wataniye-Tevgera Guhertina Demokratîk

 

Partiya Yekitiya Suryan

 

Partiya Kombûna Nîştimanî ya Kurdistanê

 

Partiya Demokratîk a Kurd li Sûriyê (Partî)

 

Partiya Yekitiya Demokratîk a Kurd li Sûriyê (Yekîtî)

 

Şepêla Çepgir a Şoreşger a Sûriyê

 

Partiya Sûraya