NAVENDA NÛÇEYAN - Navenda Rojava ya Lêkolînên Stratejîk komxebateke navneteweyî li ser Peymana Lozanê li dar dixe.

 

Navenda Rojava ya Lêkolînên Stratejîk (NRLS) têkildarî Peymana Lozanê komxebateke navneteweyî li dar dixe. Ji Kurdistanê û welatên cuda yên cîhanê dê 150 siyasetmedar, rewşenbîr û akademîsyen beşdarî komxebatê bibin. Komxebat dê li Hesekê li hola Şeto dê bê lidarxistin.

 

Komxebat dê bi navê "Lozan: Sererastkirina xetan û pirsgirêkên îstiqrar û ewlehiya herêmî" roja pêncşemê ango 6'ê Tîrmehê dest pê bike û dê roja înê bi dawî bibe.

 

Axaftina destpêkê ya komxebatê dê ji aliyê nûnerên NRLS, Rêveberiya Xweser, Yekitiya Nîştimanî ya Kurdistanê (YNK) û Buroya Hiqûqê ya Asrinê ve were kirin.

 

Dê pêşangeheke wêneyên li ser encamên Peymana Lozanê jî were vekirin.

 

Di roja yekemîn de dê 3 rûniştin û di roja duyemîn de jî 3 rûniştinên din werin lidarxistin.

 

Mijarên rûniştina roja yekemîn ev in:

 

1- Rewşa siyasî ya herêmê ya berî Peymana Lozanê:

 

* Peymana Sykes-Picot û dîroka netewedewletê li Rojhilata Navîn.

 

* Rewşa Kurd û Kurdistanê bi damezirandina netewedewletê re.

 

2- Xwendineke dîrokî li ser peymanên ku di sedsala 20'an de li dijî Kurdan pêk hatine:

 

* Xwendineke dîrokî li ser Peymana Sevrê (1920) û Peymana Qahîreyê (1921).

 

* Dîroka Peymana Lozanê, sedemên wê û pirsgirêkên ku anîne holê.

 

3- Peymana Lozanê û encamên wê yên li ser Gelê Kurd:

 

* Peymana Lozanê û siyasetên dewletên ku Kurdistan dagir kiriye (neteweperestî, koçkirina bi zorê).

 

* Peymana Lozanê û bandora wê ya siyasî, aborî, çandî û civakî li ser gelê Kurd.

 

* Rewşa tevgerên kurdî di nîvê duyem ê sedsala 20'an de.

 

Roja Duyemîn

 

1- Rewşa Kurdan a heyî û astengî:

 

* Rewşa niha ji hêla siyasî, aborî, çandî û civakî ve li her çar parçeyan, tişta ku Kurdan di vê demê de qezenc kiriye.

 

* Rola Kudan a siyasî di çarenûsa dewletên dagirkerên Kurdistanê de, her wiha guherîna demokratîk a li herêmê din.

 

* Astengiyên li pêş Kurdan li her çar parçeyan:

 

* Astengiyên hundirîn ên têkildarî partî û hêzên Kurd.

 

* Astengiyên derveyî û siyaseta dewletên serdest li ser doza kurdî.

 

2- Rêbazên têkoşîna li hemberî şerê qirkirinê yê li dijî Gelê Kurd:

 

* Xwendineke li ser stratejîya Kurdan di sedsala 21'an de:

 

* Xeta siyasî ya ku divê li pey herin.

 

* Ji hêla aborî, civakî û çandî ve, têkiliya di navbera her çar aliyan de dê çawa pêk were?

 

Giringiya lidarxistina kongreyeke kurdistanî:

 

* Girîngiya peymaneke di navbera Kurdan de û rêgezên vê peymanê

 

* Girîngîya yekkirina xîtaba siyasî, dîpomatîk û leşkerî, ezmûna rizgarkirina Kobanê wek nimûneya yekitiya Kurdan û bandora wê ya cîhanî.

 

* Nirxandina mafnasî û zagonî ya Peymana Lozanê.

 

3- Derbaskirina Lozanê û çareya herî baş:

 

* Neteweya demokratîk wek nimûne ji bo çareserkirina doza Kurd û pêkvejiyana aştiyane û demokratîk a bi gelên din re:

 

* Bingehên teorîk, felsefîk û exlaqî yên ku neteweya demokratîk digire nava xwe.

 

* Neteweya demokratîk wek berdîleke ji netewedewletê re.

 

* Rêveberiya Xweseriya Demokratîk a Bakur û Rojhilatê Sûriyeyê wek nimûne ji bo çareseriyê:

 

* Sedemên damezirandina vê rêveberiyê.

 

* Cudahiya di navbera Rêveberiyê Xweser û nimûneyên rêveberiyên din de, destkeftiyên ku Rêvebirîya Xweser di warê pêkvejiyana aştiyana gel, ol û zimanan de, hevserokatî û hwd.

 

* Rêveberiya Xweser wek nimûneya çareseriyê li Sûriyeyê û Rojhilata Navîn.