AMED - Namzetên Partiya Çep a Kesk bi munasebeta cejnê li malan geriyan û cejna welatiyan pîroz kirin. Malbatan diyar kirin ku rengê dengê wan diyar e. 

 

Namzetên Partiya Çep a Kesk, TJA, DBP, HDP, MEBYA-DER, UAY-DER bi munasebeta cejnê li malan geriyan û cejna welatiyan pîroz kirin. 

 

'Tevî her tiştî em dibêjin aştî'

 

Namzet çûn serdana malbatên li semtên Şehitlîk û Îplikê. Malbatan bi coş namzet pêşwazî kirin. Malbatan diyar kirin ku Partiya Çep a Kesk partiya wan e û gotin rengê dengê wan diyar e. Malbatan diyar kirin ku tevî her tiştî ew dibêjin aştî û gotin êdî ew dixwazin ev pergal biguhere. 

 

Namzetan li daxwazên gel guhdar kirin. Namzetan gotin ew partiya gel in û ew ê dengê wan bibin meclîsê. 

 

Namzet piştre çûn serdana malbatên li ber Nexweşxaneya Lêkolîn û Perwerdeyê ya Gazi Yaşargil ên li hêviya nexweşên xwe ne. 

 

Her wiha namzet çûn serdana malbatên li navçeyên Sûr, Rezan û Peyasê.