AMED - Namzetên Partiya Çep a Kesk di bernama fitarê ya ku MEBYADER’ê li Pasurê organîzekiribû de bi gel re hatin gel hev.

 

Li Pasûr a Amedê bi pêşengiya MEBYADER’ê xwarina fitarê hat dayîn.  Fitar li rêxistina Partiya Demokratîk a Gelan (HDP) Pasurê hat dayîn û gelek kes tevli bûn. Namzetên partiya çep a Kesk Adalet Kaya, Sorgul Aytek Avşar û Serhat Eren, rêveberên HDP’a Pasurê û aktîvîstên TJA’yê tevli bûn.

 

Beriya fitarê namzet bi gel hatin nasîn.  Piştî vê axaftinên kurt hatin kirin.

 

Hevberdevkê Partiya Çep a Kesk Abbas Şahîn axivî û diyar kir ku Kurd li her çar parçeyê Kurdistan û cîhanê dersa demokrasiyê didin û tevî hemû zextan wê demokrasiyê bînin.

 

Namzet Adalet Kaya jî kêfxweşiya xwe anî ziman û balkişand ser girîngiya hilbijartinên 14’3e Gulanê.

 

Serhat Eren jî êrîşên li hember partiya siyasî ya Kurd bibîr xist û da zanîn ku wê gele Kurd 14’ê Gulanê de li ser sindoqan bin û ewlehiya sindoqanbigirin. Serhat bang li hemû kesî kir ku bi awayekî xurt biçin ser sindoqan. 

 

‘Partiya Çep a Kesk partiya we ye’

 

Sorgul Aytek Avşar jî diyar kir ku Partiya Çep a Kesk partiya gel e û anî ziman ku di vê nokteyê de berpirsyarî dikeve ser milê hemû kesî û divê xebatên îqnakirinê bên meşandin.

 

Bernama fitarê piştî axaftinan bidawî bû.