Sozda Oremar

 

ŞEHBA - Di jiyana her mirovekî de cîhanek heye, cîhana zarokên Efrînê jî bi êş e ji ber ku ji warê xwe dûr in. Her gotinek li ser lêvên zarokan xwestina vegera ji bo Efrînê ye. Zaroka bi navê Fîdan Muslim ku bi hesreta Efrînê dijî helbestek ji bo Efrînê nivîsand. Di helbesta xwe de daxwaz û hesreta ji bo Efrînê rave dike. 

 

Zaroka 12 salî Fîdan Muslim a ji Kantona Efrînê û niha li Şehbayê bi cih bûye ji bo Efrînê helbestek nivîsand û di helbesta xwe de têkoşîn û êşa ku li Efrînê hatiye jiyîn rave dike. Fîdanê wiha dibêje:"Ji bo çand û bêrîkirina Efrînê min helbest nivîsand."

 

Fidanê wiha got:"Ez gelek ji xwendinê hez dikimm. Niha li dibistana Şehbayê bi zimanê dayika xwed perwerdeyê dibînim. Ez gelek bêriya Efrînê dikim." 

 

Hebesta Fîdanê ya ku ji Efrînê nivîsandiye ev e:

 

Ji Efrînê derketin çiqasî zor bû

Bi nalîn û qêrîn ji Efrîna xwe derketim

72 balafir hatine ser Efrîna min a delal

Efrîn tu nabe ya Erdogan, bila Erdogan çavên xwe bernede Efrînê

Ger bi qêrîna dayika be, bi nalîna zarokan be

Bi xwîna şehidan em ê vegerin Efrîna xwe 

Bi xwîna şehidan be em ê vegerin Efrîna xwe

Efrîna min bila mirin ba lê ne ew ditin ba

Efrîna min tu warê kurda ye her dareke te wê bi YPJ-YPG ve rizgar bibe

Efrîna min tu serî li hemberi hemû dewleta radike

Bila Erdogan nebêje min Efrîn girt ez ê kurdan qir bikim tune bikim

Kurd tune nabin kurd bi fikir,ramanên Serok Apo mezin bûne

Ax Efrîna min ax Efrîna min

 

Helbesta vegera Efrînê

 

Efrîna min wa em hatin çavê xwe veke serê xwe rake wa zarokên te hatin

Carek din zarokên Rojava di dilê xwe ke 

Efrîna min, min soz dabû te ez ê vegerim wa ye ez hatim

Min gotibû ez Efrîna xwe tu carî li ber desta nahêlim wa em hatin Efrîna min

Ji bo ez Efrîna xwe sêwî nehêlim, 

Di xewna xwe de dibînim wek Şehid Avesta, Barîn û Xerîban Efrîn dihat parastin

Em jî wek zarok soz didin şehidên xwe wê her dewleta nikaribe Efrîna min bazar bike

Tucar Efrîna min nayê bazarkirin

Ev der Efrîn e kela berxwedanê ye

Di Efrînê de şer û piling mezin bune 

Efrîn me soz dabu te em ê te rizgar bikin

Em ê te bi ala kesk,sor,zer bixemilînin 

Her şev ez bi nalîna şehîdên xwe dihesim 

Ez tucar nahêlim şehidê min binale

Şehîdên me bi dengekî bang dikin ka Efrîn 

Em jî dibêjin ey şehid wa ye hat Efrîna te

Me çeka şehîdê xwe li erdê nehişt

Ey dewletno bibihîsin bi dengê zarokan ve Efrîn rizgar bû

Ey şehid wa ye zarokên te hatin cejna te pîroz be

Em ê gora we bi xwîna xwe av bidin

Ala kesk,sor zer a YPJ-YPG li ber gora te dînin

Çawa me îro Efrîna xwe dit şehidên xwe dîtin 

Em ê Serokê xwe jî ji zindanê derbixin

Erdogan bibihîse

Dengê me erd û esman dihejîne 

Ez ê her tim bêjim Efrîna min hat Efrîna min hat

 

Di dawiyê de Fîdanê wiha got:"Ez helbesta xwe diyarî hemû Şehîdên Efrînê dikim. Hêviya me mezin e em ê rojekê vegerin Efrînê."