COLEMÊRG - Li Geverê 5 kesên di nav de yên Nurcan Karakaya û pitikê wê rakirin nexweşxaneyê jî hene hatin binçavkirin. 

 

Li gundê Qadiyan a navçeya Geverê ya Colemêrgê hevjîna binefser Nurcan Karakaya û pitikê xwe yê 11 mehî Mustafa di teqînekê de jiyana xwe ji dest dabûn. Duh bi şev leşkeran têkildarî bûyerê bi ser gund de girt û li malan lêgerîn pêk anî. Piştî lêgerînê 5 kesên di nav de yên Karakaya û pitikê wê rakiribûn nexweşxaneyê hene jî hatin binçavkirin. 

 

Hat zanîn ku dema leşkeran welatî binçav dikirin heqaret li wan kirin û 2 welatî hatin derbkirin. 

 

Piştî bûyerê jî leşkeran bi ser heman gundî de girtibû û 20 kes binçav kiribû. Ji van 18 kes pişt re hatibûn berdan.