Ronida hacî 

 

HESEKÊ - Bi boneya rojbûna Rêberê PKK'ê Abdullah Ocalan li Hesekê park hat vekirin û li parkê dar hatin çandin. 

 

Bi boneya rojbûna Rêberê PKK'ê Abdullah Ocalan li Hesekê bi navê Abdullah Ocalan park hat vekirin û li parkê dar hatin çandin. Park bi wêneyên Abdullah Ocalan, alên Kongreya Star û bi alên YPG/YPJ'ê hat xemilandin. Endam û rêvebirên saziyên civakî û gel beşdarî vekirina parkê bûn. 

 

Li ser navê Kongreya Star a Bajarê Hesekê Şêrîn Oso axivî û got:"Ez rojbûna Rêber Apo bi taybet li jinan û li hemû cîhanê pîroz dikim. Em bi fikir û ramanên Rêbertî li ser piyan e. Hebûna wî hebûna me ye. Em ê heta dawî li hebûna xwe xwedî derkevin."

 

Li ser navê Saziya Malbatên Şehîdan jî Zerga Mihemed axivî û got:"Em rojbûna Rêber Apo li hemû malbatên şehîdan pîroz dikin û em dibêjin heta ku em hebin em dev ji têkoşîna xwe bernadin heta ku Rêberê me azad bibe. Azadiya Rêberê me azadiya hêvî û siberojên azad in."

 

Herî dawî Koma Kulîlkên Kurdistanê Stran gotin û helbest xwendin.