DÎLOK/AFYON - Li Girtiyê bi navê Îzet Turan ku li Girtîgeha Tîpa L a Dîloke dimîne ji ber ku notê pirtûka xwend girt 20 roj cezayê hucreyê birîn.  Li  Girtîgeha Tîpa E ya Afyonê jî 3 girtiyên ku dest bi greva birçîbûnê kirin xistin hucereyê.

 

Li girtîgehên ku pitî OHAL'ê zext li wan zêde bûn  pêkanînên kêfî  û binpêkirinên mafan berdewam dikin.  Îzet Turan ê ku  li Girtîgeha Tîpa L a Dîlokê dimîne ji ber ku notê pirtûka xwend girt bi 20 roj cezayê hucereyê re rûbirû hat hiştin. Îzet turan ê ku hestiyê wî dihelin û nexweşê çav û mîdê ye, li gel raporên wî yên tendirustiyê  nayê tehliyekirin.  Îzet ê ku ji ber nexweşiyê roj bi roj dihele û zeîf dibe bi alîkariya hevalên xwe yên qawîşê pêdiviyên xwe yên rojane pêk tîne.

 

Li girtîgeha Afyonê çalakiya greva birçîbûnê

 

Li girtîgeha tîpa E ya Afyonê 3 girtiyên siyasî ji bo ku binpêkirinên mafan ên li dijî wan tên kirin û balê bikişînin ser tecrîda girankirî ya li ser Rêberê PKK'ê Abdullah Ocalan dest bi greva birçîbûnê ya bêdem û dorneveger kirin.  Piştî greva ku ji aliyê  Mehmet Alî Gokçe,  Mehmet Alî Kaya û Aydin Deger ve di rojên borî de  hat destpêkirin, hat ragihandin ku ev  her sê girtî kirine hucereyên cuda cuda. 

 

Hat ragihandin ku ne malbat û ne jî havlên kesên ku kirine hucreyê ji wan tu agahiyan nagirin.