AMED - Di konferansa ku bi dirûşma “Di sala sedemîn a Peymana Lozanê de Kurd û Kurdistan” li Amedê hat lidarxistin de dê sibê deklarasyona konferansê bê ragihandin. 

 

Kongreya Civaka Demokratîk (KCD), Partiya Herêmên Demokratîk (DBP), Partiya Çepên Kesk, Partiya Azadî, Partiya Komunist a Kurdistanê (KKP), Partiya Sosyalîst a Kurdistanê (PSK) û Partiya Însan û Azadî (PÎA) li Amedê konferansa “Di sala sedemîn a Peymana Lozanê de Kurd û Kurdistan” li dar dixin. Hevserokê KCD’ê Berdan Ozturk, Hevseroka Giştî ya DBP’ê Saliha Aydenîz, Hevberdevka Partiya Çepên Kesk Çîgdem Kiliçgun Uçar, serokên giştî û berdevkên partiyên din tev li konferansê bûn. 

 

Konferans dê ji 3 rûniştinan pêk bê. Piştî rûniştina yekem, dê rûniştinên jî ji çapemeniyê re girtî berdewam bike. 

 

Deklarasyona konferansê dê sibe saet di 11:00’an de li Cemiyeta Rojnamegerên Başûrrojhilat bê ragihandin.