WAN - ÎHD, ji bo piştgirî bidin Dayikên Şemiyê/Mirovan li Wanê daxuyanî dan û wiha hat gotin: "Em ê dev ji lêgerîna bernadin.”  

 

Şaxên Komeleya Mafên Mirovan (ÎHD) a Wanê ji bo piştgirî bidin Dayikên Şemiyê/Mirovan li Wanê di hefteya 963’yemîn de xwestin daxuyaniyê bidin. Lê wekî her hefteyê vê heftê jî bi hinceta qedexeya walîtiyê destûr nehat dayîn ku daxuyanî bê dayîn. TUHAY-DER, Serhat Göç-Der, OHD û gelek endamên komeleyê tevlî daxuyaniyê bûn. Daxuyanî ji hêla endama lijneya Rêvebiriya Şaxa ÎHD’ê ya Wanê Ayten Kiran ve hat xwendin.

 

‘Em ê windayên xwe ji bîr nekin’

 

Ayten, anî ziman ku her roja şemiyê di şert û mercên ku qedexeya îşkence û muameleya xerab binpê dike de tên binçavkirin û got ku dema ku delîlên xurt hebin ku mirov sûc kiriye, biryara binçavkirinê dikare were dayîn. Ayten, wiha pê de çû: “Di serî de Dadgeha Destûra Bingehîn, astengkirina Dayikên Şemiyê binpêkirina mafan e û di hevdîtinên wan de hêmaneke sûc nîne. Em ji dozgerên ku girêdayî Wezîrê Dadê ne dipirsin û benda bersivekî ne; tevî ku hêmanên sûcdar tunene çima em tên binçavkirin? 

 

Ji ber ku ji aliyê qanûnî ve ne mimkun e ku biryara binçavkirinê bi mebesta tirsandin, rêgirtin an jî rûreşkirina mirovan were dayîn, gelo we erka xwe ya pêkanîna hemû kiryar û danûstandinên xwe li gorî serweriya qanûnê rawestandiye? Em ê serî li ber vê feraseta ku zagon, hiqûq û edaletê nas nake, sazûmaniya sazûmanî ya dewletê xera dike û bi pêkanînên kêfî dixwaze civakê tengav bike, serî netewînin. 

 

Em ê bi bîr bînin ku yên ku dewletê bi rê ve dibin, di hemû tevger û kiraran erka wan a girêdayî hiqûqê bimînin. Em ê dev ji lêgerîna hezkiriyên xwe yên ji aliyê hêzên ewlehiyê yên dewletê ve hatin binçavkirin, bernedin. Em ê israr bikin ku hemû îmkanên hiqûqê ji bo gihîştina winda û edaleta xwe bi kar bînin. 

Em ê Kenan Bîlgîn ê ku di 12’yê Îlona 1994’an de hat windakirin û hemû windayên xwe ji bîr nekin.”

 

Daxuyanî bi çepikan bi dawî bû.