NAVENDA NÛÇEYAN - 'Rêwîtiya Azadiyê' ya ciwanên Kurd û enternasyonalîst ku ji bo azadiya fîzîkî ya Rêberê PKK'ê Abdullah Ocalan hate destpêkirin, di roja 3'yemîn de bi pêşengiya jinên ciwan pêk hat. 

 

Elmanya, Swîsre, Fransa, Îngilistan, Spanya, Îtalya û Bolîvya jî di nav de ji nêzî 40 welatî enternasyonalîst û nêzî 200 ciwanên Kurdistanî ji bo azadiya fîzîkî ya Rêberê PKK'ê Abdullah Ocalan dimeşin.

 

Ciwanên ku ji Dortmûndê heta Bochûmê bi 25 kîlometreyan meşiyan, doh ji bajarê Essenê jî bi qasî 18 kîlometreyan meşiyan. Meş wê 8'ê Îlonê li Kolnê bi dawî bibe.

 

Roja 3'yemîn a 'Rêwîtiya Azadiyê' ya ciwanan bi pêşengiya jinên ciwan destpê kir. Di roja 3'yemîn de ciwan serê sibehê li HBF a Oberhaûsên li hev kom bûn û roj weke roja jin ên ciwan pênase kirin.

 

Jin ên ciwan fûlarên mor û pankarta 'Jin, Jiyan, Azadî, bi ser bixîne azadî' hildan.

 

Danê êvarê wê têkildarî têkoşîna jin ên ciwan semînerek bê lidarxistin. Di semînerê de wê rê û rêbazên têkoşîna li dijî polîtîkayên şerê taybet bêne nirxandin.

 

Di roja 4'emîn de ciwan wê li ber strasyona trenê ya Neûssê li hev kom bibin û ber bi navenda bajarê Dusseldorfê ve bimeşin.

 

Di roja 5'emîn de, di 8'ê Îlonê de ciwan wê ji Kolnê ber bi navenda bajarê Mulheîmê ve bimeşin û êvarê meşa xwe biqedînin.

 

Ciwanan li Navenda Civaka Kurd a Demokratîk a Dortmûndê 3'ê Îlonê roja yekşemê konferansek jî lidar xistibûn.