AMED - Danişîna 1’emîn a doza ku 15 jê  girtî û bi giştî 18 rojbameger jê tên darizandin, piştî 13 mehan li 4’emîn Dadgeha Cezayê Giran a Amedê tê dîtin. 

 

Di çarçoveya lêpirsîna ji aliyê Serdozgeriya Komarê ya Amedê ve navenda wê Amed li gelek bajaran di 8'ê Hezîrana 2022'yan de bi ser mal û sazî û degehên çapemeniyê de hat girtin, 20 jê rojnameger 22 kes hatin binçavkirin. Ji kesên ku hatin girtin Mudura Karên nivîsê Safiye Alagaş, Hevserokê Komeleya Rojnamegeran a Dîcle Firatê (DFG) Serdar Altan, Edîtorê Ajansa Mezopotamyayê (MA) Azîz Oruç, Mudurê Karên Nivîsê yê Rojanameya Xwebûnê Mehmet Alî Ertaş,  rojnameger Zeynel Abîdîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remziye Temel, Ramazan Gecîken, Lezgîn Aktdenîz û Mehmet Şahîn di 16'ê Hezrîanê de piştî ku derxistin dadgehê bi îdaya "endamtiya rêxistinê" hatin girtin.

 

Danişîna 1’emîn a doza rojnamegeran piştî 13 mehan li 4’emîn Dadgeha Cezayê Giran a Amedê tê dîtin. 

 

Rojnamegerên girtî û parêzerên wan di danişînê de amade bûn. Xizmên rojnamegeran, Platforma Rojnamegerên Jin ên Mezopotamyayê (MKGP), Cemiyeta Rojnamegeran a Dicle Firat (DFG), Komeleya Lêkolînên Medya û Hiqûqî (MLSA), gelek rêxistinên civakî yên sivîl û rojnamevan ji derveyî bajêr hatbûn, parlamenterên Partiya Çep a Kesk  Adalet Kaya, parêzer Serhat Eren, Cengîz Çandar û Sînan Çîftyurek, Rêxistina Bajêr a Partiya Çep a Kesk, Komaleya Hiqûqnasan a ji bo Azadiyê (OHD) ya Amedê, Baroya Amedê, Komeleya Mafên Mirovan (ÎHD) a Amedê, Navenda Çand û Hunera Mezopotamyayê û Parlamenterê CHP'ê yê Amedê Sezgîn Tanrikûlû tevlî danişînê bûn. 

 

Her wiha ji ber ku eywana daneşîn lê tê kirin gelek kesên ku xwestin dozê bişopînin û xizmên rojnamegeran nikaribûn tevli daneşînê bibin. 

 

Rojnamegerên ku anîn eywanê bi çepikan hatin pêşwazîkirin. Danişîn bi axaftinên parezêran destpê kir.