AMED - Helbestkar û nivîskar Leylana Sidîq li Weşanxaneya J&J'yê ya li Amedê pirtûka xwe bi tevlîbûna gelek nivîskar û helbestkaran îmze kir.

 

Li Weşanxaneya J&J'yê ya li semta Ofisa Yenişehira Amedê bi tevlîbûna gelek nivîskar û helbestkaran bernameya gotubêj û roja îmzeyê ya nivîskar û helbestkar Leylana Sidîq hat lidarxistin. Bernameyê saet di 18.30'an de dest pêk kir. Leylana berî pirtûka xwe ya bîranînê ya bi navê "Bîra Hêviyê" îmze bike derbarê pirtûka xwe û çîroka xwe ya nivîsandinê axivî. Leylana piştre jî pirtûka xwe îmze kir.

 

Çîroka nivîsandina Leylana

 

Leylana tevî ku çavên wê baş nabîne jî ji bo guhdarkirina pirtûkan û nivîsandina bi zimanê dayikê têkoşîneke mezin dide. Leylana bal kişand ser zehmetîyên di warê nivîsandinê kişandine û têkoşîna ku di vî warî de daye. Her wiha Leylana bal kişand ser girîngî û taybetmendiya li ser nivîsandin û xwendina bi zimanê dayikê.

 

Piştî gotubêj û îmzeyê helbest hatin xwendin û stran hatin gotin. Piştî xwendina helbest û gotina stranan bername bi dawî bû.