HELEB - Welatiyên taxa Şêxmeqsûd, Eşrefiyê û Şehbayê bi şahiyekê piştgiriya Partiya Çep a Kesk kirin.

 

Ji serê sibehê xelkê taxên Şêxmeqsûd û Eşrefiyê berê xwe dan herêma Şehba û bi hevre şahiya ji bo piştgiriya miletê Bakurê Kurdistanê ya ji bo hilbijartinan kirin. Şahî li herêma Şehba li gundê Elewşê hat lidarxistin, bi beşdarbûna endamên sazî û partiyan û miletê taxa Şêxmeqsûd, Şehba û Efrînê piştigiriyeke mezin ji bo Partiya Çep a Kesk hat dayin.

 

Piştî deqeyeke rêzgirtin axaftin ji aliyê Endama Partiya Yekîtiya Demokrat (PYD) Zelal Cîger axaftina xwe kir û wiha got: “Em berxwedana gelê xwe ya berxwedêr pîroz dikin û bi têkoşîn û berxwedana we, sala 2023'yan wê bibe sala rabûna tecrîda li Îmraliyê.”

 

'Azadiya me mîsogertiya azadiya Rêber Abdullah Ocalan e'

 

Zelalê di berdewamiya axaftina xwe de wiha got: “Azadiya me bi azadiya Rêber Abdullah Ocalan ve girêdayî ye, azadiyek hebe jî ew bi saya Rêber Abdullah Ocalan wê were mîsogerkirin. Bê Rêber ji bo me jiyan û azadî tune ye.”

 

Di hilbijartinan de wê AKP bi ser nekeve

 

Zelalê destnîşan kir ku wê AKP bi ser nekeve û wiha got: “AKP wê bi ser nekeve her wiha bi îradeya gelê berxwedêr a li bakur wê di vê hilbijartinê de azadî, vîn û îradeya kurdên li Bakur û Tirkiyeyê wê bi ser bikeve.”

 

Zelalê da zanîn divê hemû kurd dengê xwe bi kar bînin û got: “Em wek xelkê Şehba, Efrîn û Helebê ji bo Partiya Çep a Kesk piştgirîyê didin û em li pişta we ne.”

 

Di dawiya şahiyê de Koma Çiyayê Kurmênc a Stranan û koma Pakrewan Hêva ya Hîlala Zêrîn stranên xwe yên şoreşgerîyê pêşkêşî gel kir û bi gerandina govendê şahî bi dawî bû.