ENQERE - Rojnameger Sedat Yilmaz û Dîcle Muftuoglu û 11 kesên din ên di çaçroveya lêprisîneke Serdozgeriya Enqereyê de hatibûn binçavkirin, bi daxwaza girtinê sewqî dadgehê kirin.

 

Di çarçoveya lêpirsîneke Serdozgeriya Komarê ya Enqereyê de li 15 bajaran di  serdegirtina malan de Hevseroka Komeleya Rojnamevanan a Dîcle Firatê (DFG) Dîcle Muftuoglu û Edîtorê Ajansa Mezopotamyayê (MA) Sedat Yilmaz jî di nav de 17 kes hatibûn binçavkirin. Piştî îfadeya li midûriyeta polîsan, kesên binçavkirî îro sewqî Edliyeya Enqereyê hatin kirin. 

 

Piştî îfadeya li dozgeriyê rojnameger Sedat Yilmaz û Dîcle Muftuoglu û 11 kesên din bi daxwaza girtinê sewqî dadgehê hatin kirin. Her wiha Hasan Ozhan, Evîn Ozbek û Sûat Karagoz jî bi şerta kontrola edlî hatin berdan.  Xwişka Sedat Yilmaz, Fîlîz Yilmaz piştî îfadeya li dozgeriyê hatibû berdan. 

 

Dozger îfadeya Dîcle Muftuoglu negirt 

 

Rojnamevan Seda Yilmaz û Fîlîz Yilmaz, Abdûrrahman Taynyelî, Îsmaîl Adanmiş û Cevdet Îsmaîlogûllari li dozgeriyê îfade dan, lê dozgeriyê îfadeya rojnameger Dîcle Muftuoglu û 14 kesên din, li gorî ya li midûriyeta polîsan nirxand. 

 

Ên bi daxwaza girtinê hatine sewqkirin 

 

Rojnamevan Sedat Yilmaz û Dîcle Muftuoglu û Selma Yilmaz, Cahît Kanbay, Cîhan Guneş, Ramazan Debe, Erol Balci, Îsmaîl Adanmiş, Cahît Ablay, Mahmût Dogû, Devran Ak, Abdûrrahîm Tanyelî, Şemsettîn Toprak, Mehmet Emîn Yildirim û Cevdet Îsmaîlogûllari bi daxwaza girtinê sewqî dadgeriyê hatin kirin.