NAVENDA NÛÇEYAN - Bi hezaran welatiyên Rojavayê Kurdistanê di sibeha Cejna Remezanê de berê xwe da goristanên pakrewanan.

 

Piştî nimêja cejnê, bi hezaran welatiyên Rojavayê Kurdistanê berê xwe da goristanên pakrewanan.

 

Li herêmên Rojavayê Kurdistanê bi deha goristanên pakrewanan hene; “Şehîd Xebat Dêrik li Dêrikê, Şehîd Dilşêr li Dugurê, Şehîd Delîl Saroxan li Qamişlo, Şehîd Îsmaîl li Amûdê, Şehîd Dijwar li Hesekê, Şehîd Rustem Cûdî li Dirbêsiyê, Şehîd Dicle li Kobanê, goristanên şehîdan li Til Temir, Reqa, Dêrazor, Şedadê, Tebqa û Şehba”.

 

Malbatên pakrewanan gul danîn ser gorên zarokên xwe, piştre cejn li hev pîroz kirin, şekirên cejnê belav kirin, pexûr pêxistin û ayatên Quranê xwendin.

 

Hêviya şêniyan ew bû ku li seranserê Rojavayê Kurdistanê aramî serwer bibe.

 

Li Rojavayê Kurdistanê serdana goristanan di sibehên cejnê de çandek e.