NAVENDA NÛÇEYAN- Partiya Çep a Kesk li gelek  bajaran buroyan vedike û hevdîtinên bi gel re pêk tîne.

 

Partiya Pêşerojê ya Çep a Kesk (Partiya Çep a Kesk) li bajarên Kurdistan û Tirkiyeyê xebatên hilbijartinê didomîne. Namzetên partiyê li aliyekî diçin serdana esnafan li aliyê din jî bi coşek mezin buroyan vedikin.

 

Balikesîr

 

Li Balikesîrê Partiya Çep a Kesk bi coşek mezin xebatên xwe dimeşîne. Namzeta rêza yekemîn Şevîn Coşkun, namzeta rêza 7’emîn Fîkriye Yadigir, li taxa Yuzucuyil a Bandirmayê tevli vekirina buroyê bûn.

 

Namzet Şevîn Çoşkun axivcî û diyar kir ku bi hêza ku ji jinan digirin wê biserkevin û wê wek her qada jiyanê rengê xwe bibin meclîsê jî.

 

Namzet Fikriye Yadigir jî mafê axaftinê girt û daxuyakirin ku wê dawî li rejîma yek mêrî bînin û hemû jin silav kir. 

 

Bi dirûşmeya buro hat vekirin.  

 

Îzmîr

 

Li taxa Goksu a Bucayê buroya hilbijartinê ya jinan hat vekirin.  Canan Kabenç Ozkan di vekirina buroyê de axivî û diyar kir ku ew ji bo dawî li tarîtiya desthilatdariyê bînin ketine vê rê û got wê ew tecrîdê bişkînin. 

 

Namzeta herêma duyemîn û rêza sêyem Semra Kiratli jî destnîşan kir ku ew mîrateya jinên têkoşîna azadiya jinê dane hil digirin û got wêjin pergalê biguherin.

 

Piştî axaftinan buro hat vekirin.

 

Qers

 

Namzetên Partiya Çep a Kesk Gulîstan Kiliç Koçyîgît, Gulcan Alp û hevşaredara Qersê Şevîn Alaca ku qeyûm tayînê şûna wê bû tevli civînan bûn û jia liyê jinan ve eleqeyek mezin dîtin. Gulîstan di civîna li taxa Halîpaşa de axivî balkişand ser polîtîkayên dijminê jinê yên desthilatdariyê û got bi jinan wê civak biguhere.

 

Gulcan Alp jî li taxa Yenîşehîrê bi jinan re hat gel hev û got çareseriya pirsgsirêkan bi Partiya Çep a Kesk pêkane.