SÊRT - Li Sêrtê bi hezaran kes ji 3 milan ve ji bo pîrozbahiya Newrozê herikîn qada Newrozê. Parlamenter Feleknas Uca got çareseriya meseleya kurd li Îmraliyê ye. 

 

Newroza 2023’an a ku Kongreya Civaka Demokratîk (DTK), Tevgera Jinên Azad (TJA) Partiya Herêmên Demokratîk (DBP), Partiya Demokratîk a Gelan (HDP) bi dirûşmeyên “Her der Newroz her tim azadî", li Qada Aştiyê (Bariş) ya li Taxa Aştiyê dest pê kir. Parlamentera HDP'ê ya Êlihê Feleknas Uca, Wekîlê Sêrtê Siddik Taş, Hevberdevkên Hevserokên  Bajên yên Partiya Çep a Keskan Eşeref Tekîn û Emîne Aşkara, hevserokên HDP'ê Hatîce Tay û Mehmet Kaysî, Baroya Sêrtê, Komeleya Çand û Hunerê ya Botanê (BOTAN-DER). ), rêveberên DBP'ê yên bajêr, Meclîsa Dayikên Aştiyê û nûnerên saziyên sivîl wê tevli Neworzê bibin.

 

Ji sê milan ve diherikin qadê

 

Li gel komên ji sê milan dest bi hatina qadê kirin,  li qada pîrozbahiyê  alên HDP û Newrozê hatin daliqandin, kesên temen mezin bi gopalê xwe hêdî hêdî dimeşin, bi sedan kes jî bi heman kelecanê bi girseyî li gel zarokên xwe ber bi qadê ve diçin. Ji bo bîranîna kesên di erdheja ku li Mereşê pêk hat de jiyana xwe ji dest dan, cil û bergên wekî şal û şapikên reş û şalên binefşî li qada Newrozê xwe didin der.

  

Bi dagirtina gel a qadê re, bernameya Newrozê wê bi axaftina yek ji Kesê Konîteya Amadekar a Newrozê Turgut Yurke dest pê bike û bi axaftinên Hevseroka HDP'ê ya Bajêr Hatîce Tay, Berdevkê Partiya Çep a Keskan Eşref Tekin, Wekîlê HDP'ê Siddik Taş û Wekîla Êlihê Feleknas Uca dewam kir. Piştre jî dengbej Rêzane Botî, Şêxmûse Êrkendî û Kollektifa Ritmen Azad bi stranên xwe cihê xwe li ser dikê girtin.

 

Berdevkê Bajêr a Partiya Çep a Kesk Eşref Tekin kesên di erdhejê de jiyana xwe ji dest dan bi bîr xist û ew ê têkoşînê li qadên Newrozê belav bikin. 

 

Parlamenterê HDP'ê yê Sêrtê Siddik Taş got ev Newroz wê ji azadî û aştiyê re bibe bersiv. 

 

Piştre girseyê agirê Newrozê pêxist. Dirûşma "Bijî Serok Apo" hat berzkirin. 

 

Parlamenter Feleknas Uca got çareseriya meseleya kurd li Îmraliyê ye. 

 

Dengbêj Rêzanê Boti, Şêxmûse Êrkendî û Kollektifa Ritmên Azad derketin ser dikê.