Tevlî merasîma bîranîna Jînayê bû ceza lê hat birîn

  • 16:21 7 Adar 2023
  • Rojane
 
WAN - Bi hinceta ku tevlî merasîma bîranîna 40 rojka Jîna Emînî bûye, rejîma Îranê 3 sal û 6 meh cezayê hefsê da aktîvîsta jin Sarwar Melaî. 
 
Aktîvîsta jin a îranî Sarwar Melaî di 4’ê mijdara 2022’yan de tev li merasîma 40 rojka Jîna Emînî bû. Di dema merasîmê de ji hêla rejîma Îranê ve hate binçavkirin. Sarwar 2 hefteyan di bin çavan de ma û piştre hate berdan. Danişîna biryarê ya doza Sarwar îro hate lidarxistin. Danişîn, li Dadgeha Cezayan a Sanandajê hate lidarxistin û şandeyê bi hinceta “tevlibûnê” 3 sal û 6 meh cezayê hefsê da Sarwar.