NAVENDA NÛÇEYAN - Namzetên HDP’ê yên Hevşaredariya Mûş, Agirî, Îdir, Bedlîs û Colemêrgê dengên xwe bikar anîn. 

 

Li bajarên Mûş, Agirî, Îdir, Bedlîs û Colemêrgê yên herêma Serhedê dendayîn dewam dike. Beşdariya hilbijartinê li van bajaran zêde ye. Namzetên HDP’ê yên hevşaredariyên van bajaran û navçeyên wan jî dengên xwe bikar anîn. 

 

Mûş

 

Namzetên HDP’ê yên Hevşaredariya Mûşê Sirri Sakik û Sîbel Genç û Parlamenter HDP’ê ya Mûşê û Hevberdevka HDK’ê Gulîstan Kiliç Koçyigît dengên xwe bikar anîn. 

 

Sirri Sakik got wan dengên xwe ji bo aştî, azadî û demokrasiyê bikar anîne û ew ê şaredariya Mûşê bi dest bixin û dê serkeftin bibe ya wan. 

 

Agirî

 

Namzetên HDP’ê yên Hevşaredariya Agiriyê Yelîz Karaaslan li dibistanek li Taxa Gazî ya Agiriyê û Abdurrahman Dogar jî li Wanê dengê xwe bikar anî. 

 

Hevserokê KCD’ê û Parlamenterê HDP’ê yê Agiriyê Berdan Ozturk jî li dibistanek Agiriyê dengê xwe bikar anî. 

 

Îdir

 

Namzetên HDP’ê yên Hevşaredariya Îdirê Eylem Çelîk û Yaşar Akkuş jî li dibistanên cuda yên Îdirê dengên xwe bikar anîn. Namzetan piştî dengdanê dibistanan ziyaret kirin. 

 

Bedlîs

 

Namzetên HDP’ê yên Hevşaredariya Bedlîsê Zekiye Îlbasan û Faruk Îşlek jî li dibistanên cuda yên bajêr dengên xwe bikar anîn. Namzetan got ew hêvî dikin ku wê hilbijartin azadî û aştiyê bi xwe re bîne. 

 

Colemêrg

 

NamzetêN HDP’ê yên Hevşaredariya Colemêrgê Cîhan Karaman li dibistanek Colemêrgê û Seher Kadîroglu Ataş jî li dibistanek Wanê dengên xwe bikar anîn. 

Parlamenterê HDP’ê yê Stenbolê Erol Katircioglu jî ji bo piştevaniya namzetên HDP’ê çû Colemêrgê û li dibistanek Colemêrgê dengê xwe bikar anî. 

 

Gever

 

Li Navçeya Geverê ya Colemêrgê jî dengdayîn didome. Bi hezaran welatî diçin ser sindoqan û dengên xwe didin. Welatî di nava tedbîrên zêde yên polîsan de diçin dengdayînê. Namzetên HDP’ê yên Hevşaredariya Geverê Remziye Yaşar û Îrfan Sari jî li dibistanên cuda yên navçeyê dengên xwe bikar anîn.