AMED - Çalakiya nobetê ya ji bo piştgiriya Hevseroka KCD’ê Leyla Guven a di greva birçîbûnê de ye li KCD’ê hat destpêkirin di roja 9’emîn de didome. 

 

Hevseroka KCD’ê û Parlamentera HDP’ê ya Colemêrgê Leyla Guven bi daxwaza rakirina tecrîdkirina Rêberê PKK’ê Abdullah Ocalan 93 roj in çalakiya greva birçîbûnê ya bêdawî û bêdorveger didomîne. 291 girtiyên bi heman daxwazê li girtîgehan dest bi greva birçîbûnê kirin jî di roja 55’emîn de dewam dikin. 

 

Bi armanca piştgiriya ji bo Guven û girtiyan parlamenterên HDP’ê li avahiya KCD’ê di 31’ê çile de dest bi çalakiya nobetê kiribûn. Çalakiya wekîlan di roja 9’emîn de didome. Çalakiya îro Parlamenterê HDP’ê yê Rihayê Nusrettîn Maçîn û Parlamentera HDP’ê ya Mûşê Şevîn Coşkun dewr girtin. 

 

Namzetê Hevşaredariya HDP’ê ya Amedê Selçûk Mizrakli di nav de nûnerên gelek sazî û dezgehan çalakiya wekîlan ziyaret kirin.