STENBOL - HDP'ê ku ji bo Şaredariya Bajarê Mezin a Stenbolê namzet diyar nekir, dê ji bo 6 navçeyan namzetê xwe diyar bike. Hat fêrbûn ku namzeta Şaredariya Bagcilar a Stenbolê parlamentera HDP'ê Huda Kaya ye. 

 

Partiya Demokratîk a Gelan (HDP), di dawiya hefteyê de li navenda giştî ya HDP'ê civîn pêk anîn. Piştî civinan diyar kir ku li Dîlok, Riha, Edene, Enqere, Mêrsîn, Îzmir û Stenbolê namzetan ji bo Şaredariyên Bajarên Mezin nîşan nade. HDP'ê destnîşan kiribû ku li van bajarên namzet nîşan nede dê li navçeyên wan namzetan diyar bike. HDP'ê diyar kir ku dê li 6 naçeyên Stenbolê namzetan diyar bike. 

 

Li navçeyên kurd li wan zêde ne namzed tên diyarkirin

 

Divê çarçoveyê de HDP, dê li navçeyên Bagcilar, Kagithane, Arnavutkoy, Esenler, Bakirkoyê namzetan diyar bike. HDP, ji xeynî van naçeyan dê li navçeyek din ku nifûsa hilbijêrên kurd lê zêde ye namzedan diyar bike. 

  

 Namzeda Bagcilarê Huda Kaya ye

 

Rêxistina HDP'ê li navçeya Bagcilarê ku girseya wê pir zede ye, parlamentera HDP'ê ya Stenbolê Huda Kaya namzet nîşan da. 

 

HDP dê li Marmarayê jî namzedên xwe diyar bike

 

Ji bilî Stenbolê HDP li Tekirdag, Edirne, Bursa, Kocaeli û Balıkesirê jî dê bi navê xwe biçe ser sindoqê û li hemû navçeyên ku hêza wê lê xurt e namzetê xwe nîşan bide.