Hesna Mihemad

 

ŞEHBA - Jinên Ereb ên li Şehbayê derbarê salvegera êrîşên li ser Efrînê hestên xwe anîn ziman û gotin:"Dewleta tirk a dagirker bi armanca tunekirina hemû gelên li Sûriyeyê êrîşî Efrînê kir. Li Efrînê komkujiî û talan pêk anî. Ne salek sed sal jî derbas bibin em ê Efrînê ji bîr neke."

 

Bi munasebeta nêzîkbûna êrîşên li ser Efrînê jinên Ereb anîn ziman ku Efrîna ku ewle bû niha li wir binpêkirina mafan gelek zêde bûne û wiha gotin:"Li pêş çavên hemû cîhanê Efrîn hat dagirkirin. Qirkirina xwezayî û mirovahî pêk hat. Divê ev yek ji dagirkeran re nemîne."

 

'Efrîn a Efrîniyan e ne ya dagirkeran'

 

Jina bi navê Necwe Hico diyar kir ku Efrîn cihekî ewle bû lê niha ne wiha ye û got:"Dewleta tirk a dagirker Efrîn talan kir niha dixwaze komkujiyên nû pêk bînin. Lê em ê destûrê nedin vê yekê. Em di wê baweriyê de ne dê Efrîn ji dagirker û çeteyan bê rizgarkirin. Efrîn a Efrîniyan e ne ya dagirkeran."

 

'Em dixwazin ev dagirkeriya dewleta tirk demildest bi dawî bibe'

 

Endama Komîteya Civaka Demokratîk (KPCD) Fatma Dawûd wiha axivî:"Li ser navê hemû jinên Şehbayê em vê dagirkeriyê şermezar dikin. Em dixwazin ev dagirkeriya dewleta tirk demildest bi dawî bibe. Em ê li dijî desthilatdariya dewleta tirk her axa xwe biparêzin."

 

'Ne salek sed sal jî derbas bibin em ê Efrînê ji bîr neke'

 

Hevseroka Komîna Navçeya Fafînê Ayîşe Mihemed wiha got:"Em naxwazin dewleta tirk li ser axa me be. Dewleta tirk a dagirker bi armanca tunekirina hemû gelên li Sûriyeyê êrîşî Efrînê kir. Li Efrînê komkujiî û talan pêk anî. Ne salek sed sal jî derbas bibin em ê Efrînê ji bîr neke. Li pêş çavên hemû cîhanê Efrîn hat dagirkirin. Qirkirina xwezayî û mirovahî pêk hat. Divê ev yek ji dagirkeran re nemîne."