QAMIŞLO- Malbatên Şehîdan bi daxwaza qedexekirina firîna balafiran li ser bakur û rojhelatê Sûriyeyê meşeke girseyî li dar xisitn.

 

Bi hezaran malabatên Şehîdan yên herêma Cizîrê li bajarê Qamişlo bi daxwaza qedexekirina firîna balafiran li ser bakur û rojhelatê Sûriyeyê meşeke girseyî li dar xistin. Meş ji çerxerêya Osman Sebrî  hat destpêkirin û di meşê de wêneyên şehîdên ku di encama berxwedana li dijî çeteyên DAIŞ`ê, komên çete û artêşa Tirk a dagirker li ser herêmên Bakur û Rojhilatê Sûriyê şehîd bûne hatin hilgirtin.

 

Di meşa ku hat lidarixstin de pankartên bi nivîsên,"Na ji dagirkeriya Tirkiyê re , bi saya xwîna şehîdên xwe em ê nirxên mirovahiyê biparêzin, divê herêm ji firîna balafiran re were qedexekirin û ala YPJ/YPG û QSD`ê hatin hildan. Meş li pêşiya Komseriya Neteweyên Yekbûyî ya Mafê Mirovan a bajarê Qamişlo veguherî mitîngê. Di mitîngê de daxuyaniyek ji raya giştî re hate dayîn. daxuyanî ji aliyê Hevserokê Meclisa Malbatên Şehîdan a herêma Cizîrê Hesen Ebid ve hat xwendin.

 

Daxuyanî wiha ye:

 

"Em weke malbat, dayikên şehîdên Rojava û Bakur û Rojhilatê Sûriyê bang li mirovên azad, rêxistin, saziyên cîhanê ku bi navê mafên gelan, azadî û wekheviyê tên nasîn  dikin  ku li dijî qikirin û kuştina ku ji aliyê dewleta tirkû çeteyan ve li ser me tê ferzkirin, bisekinin.

 

Divê ku hemû cîhan binpêkirinên dewleta tirk bibîne û zanbin ku tu ferq û cûdatî di navbera wan û çeteyên DAIŞ`ê de tune ye. Li Efrînê roj bi roj kuştina sivîlan zêde dibe. Qirkirina etnîk û şerê qirkirinê tê kirin. Ji bo ku karasetên mirovahî pêk neyên û ji bo ku careke din çeteyên DAIŞ`ê vejîn nebin, em bang li NY`yê û civaka  navneteweyî dikin ku li dijî sûcên mirovahê ku li Efrînê pêk tê û binpêkirinên mafan  ku li herêmên me yên din diqewimin, bisekinin."

 

Em van daxwazan ji NY dikin:

 

1-Divê herêmên Rêveberiya Xweser ên Bakur û Rojhilatê Sûriyeyê ji  firîna balafiran re werin qedexekirin.

 

2-Êrîşên ku werin kirin weke binpêkirinên zagonên navneteweyî û dagirkeriyê werin diyarkirin,

 

3-Rêxistinên mafê mirovan bişînin Efrînê û binpêkirinên ku ji aliyê dewleta Tirk a dagirker ve tên kirin, werin belgekirin,

 

4-Rêveberiya Xweser tevli diyalogên Cenevreyê û komîteya nivîsandina destûrê, bibe.

 

Di dawiyê de em weke malbat, dayik, bav û hevjînên şehîdan ku me zêdeyî 8 hezar şehîd di şerê li dijî çeteyên DAIŞ`ê dan  em careke din soza parastina xaka xwe nû dikin. Em ê daxwazên şehîdên xwe pêk bînin û heta dawiyê şopdarên rêya wan bin."

Piştî daxuyaniyê şandeyek ji Meclisa Malbatên Şehîdan derbasî navenda Rêxistina Neteweyên Yekbûyê ya Mafê Mirovan a bajarê Qamişlo bû.

 

Piştî ku şande ji navendê derket, Hevseroka Meclisa Malbatên Şehîdan a herêma Cizîrê Welîda Botî diyar kir ku Rêxistina Neteweyên Yekbûyî ya Mafên Mirovan teqez kir ku ew ê dengê wan bighînin hemû aliyên peywendîdar. Her wiha got wan belgeyên binpêkirinên dewleta Tirk li herêmên Bakur û Rojhilatê Sûriyeyê ji rêxistina NY`yê re pêşkêş kirin.