MEXMÛR - Çalakiya Greva birçîbûnê ya li Wargeha Penaberan a Şehîd Rûstem Cûdî (Mexmûr) ku ji bo rakirina tecrîda li ser Rêberê PKK'ê  Abdullah Ocalan hatibû despêkirin, di roja 23’an de dewam dike. 

 

Çalakiya Greva Birçîbûnê ya Wargeha Şehîd Rûstem Cûdî (Mexmûr) ku li dijî  rakirina tecrîda li ser Rêberê PKK’ê Abdullah Ocalan dest pê kiriye, di roja 23’an de dewam dike. Îro koma 8’an a çalakî bi merasîmekê dewir girt.

 

Merasîma dewirgirtina çalakiyê bi deqîqeyek rêzgirtina ji şehîdên têkoşîna azadiya Kurdistanê dest pê kir. Di merasîmê de 3 jinên Şoreşger ên Bakurê Kurdistanê ku di dema berxwedana Rêveberiyên Xweser de ji aliyê dewleta tirk ve hatibûn şehîd xistin Sêvê Demîr, Pakîze Nayir û Fatma Uyar hatin bîranîn. Di merasîmê de dayîka Hevseroka KCD’ê Leyla Gûven ku di greva birçîbûnê de ye jî hat bîranîn. Di merasîmê de alên PKK, KCK, KJK, HPG'ê û posterên Rêberê PKK'ê Abdullah Ocalan hatin hildan.

 

Merasîma dewir kirinê bi dirûşmên ji bo Rêberê PKK’ê Abdullah Ocalan bi dawî bû.