WAN – Şaxa ÎHD’ê ya Wanê rapora binpêkirinên mafan a 2018’an aşkere kir. Li gorî raporê di salekê de li Wanê 9 hezar û 234 binpêkirinên mafan pêk hatine. 

 

Şaxa Komeleya Mafên Mirova (ÎHD) a Wanê têkidlarî binpêkirina mafan a sala 2018’an rapor amade kir û rapor li avahiya xwe bi civîna çapemeniyê ji raya giştî re aşkere kir. 

 

Di civînê de Serokê Şaxa ÎHD’ê ya Wanê Murat Melet axivî û çalakiya Leyla Guven bi bîr xit û got her roja ku diçe piştevaniya ji bo Leyla Guven berbelav dibe. Murat diyar kir ku divê her kes deng bide dengê çalakiya Leylayê û got: “Divê desthilatdarî demildest bersivê bide vî dengî. Daxwaz demorkatîk e. Em dixwazin tecrîdkirina birêz  Ocalan bê bidawîkirin.” 

 

‘9 hezar û 234 binpêkirinên mafan pêk hatin’

 

Piştî axaftina Murat, Rêveberê Şaxa ÎHD’ê Servet Ertak rapor xwend û diyar kir ku pirsgirêkên aboriyê yên demên dawî li Tirkiyeyê rê li ber binpêkirina mafan a nû vekiriye û di sala 2018’an de herî kêm 9 hezar 234 binpêkirinên mafan qewimîne. 

 

Li gorî daneyên ÎHD’ê rapora binpêkirinên mafan wiha hat rêzkirin: 

 

"* Kuştinên kiryar nediyar ên edlî: 5

 

* Penaberên jiyana xwe ji dest dan: 3

 

*Rêveberên herêmî yên di êrîşê de jiyana xwe ji dest dan: 1 (Keyayê taxa Ilicak a navçeya Elbakê)

 

* Hêzên ewlehkariyê yên jiyana xwe ji dest dan: 3

 

* Endamên rêxistinê yên jiyana xwe ji dest dan: 10

 

Mirinên bi gûman

 

* Jin: 1 (Jinek 25 salî cenazeyê wê di Gola Wanê de hat dîtin)

 

* Zilam: 1 (Li qeraxê Gola Wanê cenazeyê wî ku gule ji serê xwe xwaribû hat dîtin)

 

* Zarok: 1 (Cenazeyê Berîvan T. ya 17 salî li qeraxê Gola Wanê hat dîtin)

 

* Întîxarên jinan: 1

 

* Jinên di nav malbatê de rastî şidetê hatine: 2

 

* Întîxarên zarokan: 1

 

* Zarokên di nava malbatê de rastî şidetê hatine: 1 (Li Bêgirê cenazeyê pidikekê li newalê hat dîtin)

 

* Cenazeyên endamên rêxistinê yên nedane malbatên wan: 3 (Malbatan serî li komeleya me dane)

 

* Li girtîgehê îşkence û muameleya xerab: 11

 

* Li şûna binçavkirinê îşkence û muameleya xerab: 1

 

* Tehdîta revandinê û sîxûriyê: 3 (Bi awayek takekes serî li komeleya me dane)

 

* Xwepêşandan û çalakiyên hatine qedexekirin: Di serdema OHAL’ê de mehek sax hemû xwepêşandan û meş ji aliyê walîtiyê ve hatin qedexekirin. Her çiqas navê OHAL’ê bi awayek fermî qediya be jî lê qedexekirin bênavber dewam dike.)"