RIHA - Di doza darizandina Serokwekîla Şaredariya Pirsûsê Hulya Demîr a girtî de, 7 sal û 6 meh cezayê girtîgehê lê hat birîn. 

 

Serokwekîla Şaredariya DBP’ê ya Pirsûsê Hulya Demîr a di Kanûna 2016’an de li navçeya Pirsûsa Rihayê hat binçavkirin û girtin, bi îdîaya “Endamtiya rêxistinê” doz derbarê wê de hatibû vekirin. Di dozê de cezayê girtîgehê ji bo Hulyayê hat dayîn. Danişîna biryarê ya Demîr li Dadgeha Cezayê Giran a 6’emîn a Rihayê hat dîtin.  Dozger bi îdîaya “Endamtiya rêxistinê” xwest Hulya bê cezakirin. 

 

Parêzerê Hulyayê Sedat Gozkiran jî, parastin kir û got: “Mûwekîla wî ji ber faliyetên siyasî û partiya siyasî beşdarî şahî û çalakiyan bûye.” Parêzer Sedat di dawiya parastinê de beraeta mûwekîla xwe xwest. 

 

Şendaye dadgehê piştî navberek kurt, bi îdîaya “Endamtiya rêxistinê” 7 sal û 6 meh cezayê girtîgehê li Hulyayê birî.